नेपाली कांग्रेसले बोलाएको सर्वदलीय बैठकमा सहभागी भएर नेकपा एमालेका नेता माधवकुमार नेपाल बाहिरिएका छन् ।

कांग्रेस सभापति शेरबहादुर देउवा निवासमा बसेको सर्वदलीय बैठकमा सहभागी भएर नेपाल बाहिरिएका हुन् ।

बाहिरिने क्रममा नेता नेपालले कुनै प्रतिक्रिया दिएनन् । माधव पक्षका केही सांसद सिंहदरबारमा भेला भएका छन् । 

राष्ट्रपतिको कदम रोक्न भन्दै कांग्रेसले सर्वदलीय बैठक बोलाएको थियो । संविधानको धारा ७६(५) अनुसार प्रधानमन्त्रीमा दाबी गर्न राष्ट्रपति विद्यादेवी भण्डारीले दिएको समय शुक्रवार सकिँदैछ ।

शुक्रवार साँझ ५ बजेसम्मको समय दिएर राष्ट्रपति भण्डारीले बिहीवार धारा ७६(५) अनुसार प्रधानमन्त्रीमा दाबी गर्न आउन प्रतिनिधि सभाका सदस्यलाई आग्रह गरेकी थिइन् ।