नेपाली कांग्रेस, माओवादी केन्द्र र जसपा अध्यक्ष उपेन्द्र यादव पक्षले नेकपा एमालेको माधव नेपाल पक्षका सांसदको समेत हस्ताक्षरसहित प्रधानमन्त्रीमा दाबी गर्ने तयारी गरेको छ ।

ती दलका शीर्ष नेताले कांग्रेस संसदीय दलको कार्यालयमा छलफल गरेका छन् ।

संसदीय दलको कार्यालयमा शीर्ष नेताको बैठक चलिरहेको समयका संसद् सचिवालयको अर्को हलमा कांग्रेस, माओवादी केन्द्र र जसपाका सांसदहरूले हस्ताक्षर गरिरहेका छन् ।

विपक्षी गठबन्धनले आफूहरूसँग बहुमत सांसदको हस्ताक्षर रहेको दाबी गरेका छन् । तर उनीहरूले कसलाई प्रधानमन्त्रीमा प्रस्ताव गर्ने भन्ने कुरा केही खुलाएका छैनन् ।

संविधानको धारा ७६ को उपधारा ५ अनुसार प्रधानमन्त्रीमा दाबी गर्न राष्ट्रपति विद्यादेवी भण्डारीले दिएको समय शुक्रवार सकिँदैछ ।

शुक्रवार साँझ ५ बजेसम्मको समय दिएर राष्ट्रपति भण्डारीले बिहीवार धारा ७६ (५) अनुसार प्रधानमन्त्रीमा दाबी गर्न आउन प्रतिनिधि सभाका सदस्यहरूलाई आग्रह गरेकी थिइन् ।