बुटवल, जेठ १४ । भेरी अस्पताल, बाँकेको स्वास्थ्यकर्मी आन्दोलित भएका छन् ।

आफूहरुमाथि आक्रमण गर्नेलाई कारवाहीको माग गर्दै उनीहरु शुक्रबार बिहान नाराबाजी गर्दै आन्दोलनमा उत्रिएका हुन् ।

उनीहरुले अस्पताल बाहिर आक्रमणकारी गर्ने दोषी कारवाही गर, हामीलाई न्याय देउ, प्रशासन मुर्दावाद, नो सेक्युरिटी नो वर्क भन्दै नाराबाजी गरेका छन् ।

बिरामीका आफन्तले धम्की दिइरहेको भन्दै विरोधमा उत्रिएका हुन् । 

कोरोना संक्रमितको उपचारका क्रममा मृत्यु भएपछि बाँकेको नेपालगन्ज स्थित भेरी अस्पतालमा मृतकका आफन्तले चिकित्सक र स्वास्थ्यकर्मीमाथि आक्रमण गरेका थिए ।

मृतकका आफन्तबाट भएको आक्रमणमा परि ४ जना नर्सिङ स्टाफ र एक जना चिकित्सक घाइते भएका छन् । आइसीयू कक्षमै नर्सहरूमाथि हातपात भएपछि ज्यान जोगाउन नर्सहरु छतबाट हाम्फालेका थिए ।