नेपाल वनस्पति घ्यू तेल उत्पादक संघले पछिल्ला दिनहरुमा खाने तेलमा भएको मुल्यवृद्धि भएको भन्ने समाचारहरु प्रति यस संघको ध्यानाकर्षण गरेको छ । 

संघमा आवद्ध रहेका २० वटा प्रशोधित खानेतेल उत्पादन गर्ने उद्योगहरुले नियमित रुपमा आफ्ना उत्पादनहरु सोयाविन तेल, सनफ्लावर तेल ईत्यादी उत्पादन गरी स्थानिय वजारमा साथै निकाशी समेत गर्दै आईरहेको संघले जनाएको छ 

उद्योगहरुलाई चाहिने मुख्य कच्चा पदार्थ क्रुड सोयाविन तेल, क्रुड सनफ्लावर तेल र तोरीको गेडा शतप्रतिशत ब्राजिल, अर्जेन्टिना, क्यानडा, अष्ट्रेलिया, युक्रेन लगायतका देशहरुवाट आयात गर्नुपर्दछ । यसरी मुख्य कच्चा पदार्थ अन्तराष्ट्रिय वजारवाट आयात गर्नुपर्दा अन्तराष्ट्रिय वजारको व्यापार अनुरुप नै नेपालको वजारको समेत मुल्य निर्धारण हुने गर्दछ,’ संघले विज्ञप्तिमा भनेको छ ।

 संघले विगत करीव १६ महिना देखी नै विश्वमा फैलिएको महामारी कोभिड १९ तथा अन्य जीओ पोलिटिक इस्युहरूले गर्दा खाने तेलको मुल्यमा समेत अस्वाभाविक रुपमा वृद्धि हुन गएको समेत जनाएको छ । संघले भनेको छ, ‘जुन हालसम्मको ऐतिहासिक मुल्यवृद्धि नै रहेको छ ।’

संघले अन्तर्राष्ट्रिय बजारमा भएको मूल्यवृद्धिसँगै नेपालमा पनि कोरोना र निषेधाज्ञाका कारण उद्योगहरु पुर्ण क्षमतामा संचालन हुन नसकी करीव ४० प्रतिशत कै क्षमताको हाराहारीमा मात्र उत्पादन गरिरहेको बताएको छ । 

‘खानेतेलमा भन्सार महशुल १० प्रतिशत र मुल्य अभिवृद्धि कर १३ प्रतिशत भएकोले एक वर्षमा कच्चा पदार्थको मुल्यमा भएको दोब्वर वृद्धिका कारण गत वर्षमा महशुल सरदर रु २० /– प्रति लि. रहेकोमा हाल सरदर रु ४० /– भन्दा वढी पुगीसकेको छ,’ संघले भनेको छ । 

अहिले चलन चल्तिको अन्तराष्ट्रिय मुल्य अनुसारको नेपालको मुल्य अझै परिमार्जित हुन नसकेको संघको दावी छ । 
संघले उद्योगहरुवाट कुनै प्रकारको कृतिम अभाव सृजना गरी मुल्य वृद्धि नभएको दावी गरेको छ ।