अमेरिकाको क्यालिफोर्नियामा एक किशोरीले आफ्नो घरमा रहेका कुकुरहरूलाई बचाउनका लागि त्यहाँ आइपुगेको भालुलाई धक्का दिएर लडाएको भिडियो टिकटकमा भाइरल भएको छ । 
 

ब्राडफोर्डमा रहेको घरको पर्खालमा भालु आफ्ना सन्तान लिएर आइपुगेको थियो । घरेलु कुकुरहरूले उसलाई त्यहाँबाट भगाउन खोजेका थिए । 

भालुले एउटा कुकुरतर्फ पञ्जा प्रहार गरेपछि १७ वर्षीया हेली मोरिनिको कुकुरलाई उद्धार गर्न बाहिर दौडेकी थिइन् । 

उनी कालो भालु नजिक पुगेर त्यसलाई धक्का दिँदै पर्खालबाट लडाउन सफल भएकी थिइन् अनि कुकुरहरूलाई लिएर भित्रतिर दौडेकी थिइन् । 

भालुलाई धक्का दिँदा उनको औंला दुखेको छ र घुँडा दर्फराएको छ । 

‘मैले भालुलाई बेस्सरी धक्का दिएको जस्तो लाग्दैन । उसको सन्तुलन बिग्रने गरी मात्र धक्का दिएकी हुँ,’ उनले पछि बताइन् । 
 

हेलीकी आमा सितलालीले यो आफ्नो जीवनको सबभन्दा तर्साउने क्षण रहेको बताइन् ।