बलिउड अभिनेता सुशान्त सिंह राजपूत मुम्बईस्थित आफ्नो अपार्टमेन्टमा मृत अवस्थामा फेला परेको सोमवार एक वर्ष पुगेको छ । 

जुन १४ मा उनी मृत फेला परेपछि आत्महत्याको केस भनी दर्ता गरिएको थियो ।

तर उनको हत्या भएको हुन सक्ने भन्दै सीबीआईलाई अनुसन्धानका लागि जिम्मेवारी दिइएको थियो । 
 

सीबीआईले अदालतमा अहिलेसम्म पनि कुनै चार्जशीट दायर गरेको छैन । 

सुशान्तको मृत्युपछि अनेक किसिमका षड्यन्त्र सिद्धान्तहरू फैलिएका थिए । 

उनकी तत्कालीन प्रेमिका रिया चक्रवर्तीले लागूऔषधको केसमा एक महिनामा जेल सजाय पनि काटेकी थिइन् र उनी अहिले धरौटीमा बाहिर बसिरहेकी छन् । 

बलिउडका हस्तीहरूलाई पनि सोधपुछका लागि प्रहरीले बोलाएको थियो । 

सुशान्तको मृत्युपछि बलिउडमा नातावाद कृपावादको बहस निकै चलेको थियो । 

तर सुशान्तको मृत्युको रहस्य अहिलेसम्म नखुलेकाले प्रशंसकहरू निराश छन् । उनका प्रशंसकहरू यो आत्महत्या नभई हत्या नै भएको भनी जिद्दी गरिरहेका छन् ।