चेक गणतन्त्रका स्ट्राइकर प्याट्रिक शिकले सोमवार स्कटल्यान्डविरुद्धको खेलमा यस संस्करणकै सर्वोत्कृष्ट गोल हानेका छन् । 

उनले मैदानको बीच भागबाट गरेको प्रहार स्कटल्यान्डका गोलकीपर डेभिड मार्शललाई छक्याउँदै गोल भएको थियो । 
 

शिकले ५० यार्डको दूरीबाट गरेको प्रहार निकै दर्शनीय थियो । उनैले चेक गणतन्त्रका लागि दुई गोल गरे । ४२ मिनेटमा गरेको पहिलो गोलपछि ५२ मिनेटमा गरेको दोस्रो गोल सर्वोत्कृष्ट ठहरियो । 
 

स्कटल्यान्डका डिफेन्डर ज्याक हेन्ड्रीको शट ठोकिएर शिककहाँ आइपुगेको थियो र उनले ५० यार्डकै दूरीबाट हानेको प्रहारलाई रोक्न नसकी गोलकीपर मार्शल नेटमा पछारिए । 
 

ह्याम्डन पार्कमा खेल हेरिरहेका दर्शक यो अद्भुत गोल देखेर मौन भए । युरोकप शुरू भएको एक हप्ता पनि नबित्दै प्रतियोगिताको सर्वोत्कृष्ट गोल प्रहार भइसकेको भनी प्रशंसकहरूले दाबी गरेका छन् । 

Goal of the Euros 🤯🤯🤯pic.twitter.com/ZStgArvBXf

— Flash Garrett ⚡️ (@MylesLGarrett) June 14, 2021