लियोनल मेस्सीले कोपा अमेरिकामा सोमवार भएको खेलमा चिलीविरुद्ध फ्रीकिकमा निकै सुन्दर गोल गरेका छन् । 

गोल गरेपछि उनले अर्जेन्टिनाका महानतम फूटबल खेलाडी डिएगो म्याराडोनालाई सम्मान गर्ने हिसाबमा सेलिब्रेट गरे । 

यस फ्रीकिकसँगै मेस्सीले क्रिस्टियानो रोनाल्डोको कीर्तिमान पनि भंग गरेका छन् । 

सन् २०१८ को जुन महिनापछि पहिलोपटक मेस्सीले अर्जेन्टिनाका लागि पेनाल्टीबाहेक अन्य तरिकाले गोल गरेका हुन् । उनले हानेको कर्लिङ फ्रीकिकलाई चिलीका गोलकीपर क्लाउडियो ब्राभोले रोक्नै सकेनन् । 

गोल गरेपछि मेस्सीले म्याराडोनाको शैलीमा सेलिब्रेट गर्दै हावामा उफ्रिए र तलतिर पन्च हाने । 

अनि रोनाल्डोले पोर्चुगलका लागि फ्रीकिकमार्फत गरेको ५७ गोलको कीर्तिमानलाई पनि मेस्सीले पछि पारे । त्यसपछि प्रशंसकहरूबीच मेस्सी कि रोनाल्डो महानतम खेलाडी भनी बहस चल्यो । 

तर मेस्सीको सुन्दर गोलका बावजूद अर्जेन्टिना १–१ गोलको बराबरीमा चित्त बुझाउन बाध्य भयो । 

The best angle of Messi's freekick 😍pic.twitter.com/jvNfNuNz5M

— TM (@TotalLeoMessi) June 14, 2021