क्रिस्टियानो रोनाल्डोले युरोकपको पत्रकार सम्मेलनमा आफ्नो अगाडि टेबलमा राखिएको कोकोकोलाको बोतल रिसाउँदै हटाएका छन् । 

कोकाकोला यस प्रतियोगिताको आधिकारिक स्पोन्सर हो र उसले बोतल सबैले देख्ने ठाउँमा राखेको थियो । तर रोनाल्डोलाई त्यो पटक्कै मन परेन अनि उनले त्यसलाई हटाए । 

बोतल हटाएलगत्तै रोनाल्डोले पानी पिउने भन्दै चिच्याए । उनले कोकाकोला भन्दा पानी राम्रो हुने आशय व्यक्त गरे । 

३६ वर्षीय रोनाल्डो खानपान र व्यायामका विषयमा निकै ध्यान दिने गर्छन् । त्यसैले बेभरेज देखेर उनको पारा तातेको हो । 

पोहोर साल मात्र उनले आजकलका युवा व्यायाम गर्न ध्यानै दिँदैनन् भन्दै निराशा व्यक्त गरेका थिए । 
 

रोनाल्डोको कप्तानीले पोर्चुगलले मंगलवार हंगेरीविरुद्धको खेलबाट यसपालिको युरोकप शुरू गर्न लागेको छ ।
 

🥤👀 Cristiano Ronaldo wasn't pleased with the bottles of coke at his press conference and shouted 'drink water!'...#POR | #CR7 pic.twitter.com/QwKeyKx2II

— The Sportsman (@TheSportsman) June 14, 2021