नारायणगढ–मुग्लिन सडक खण्डको ठाउँठाउँमा ढुंगा र लेदो खसेको छ ।

जिल्ला प्रहरी कार्यालय चितवनका अनुसार सडकका विभिन्न ठाउँमा ढुंगा र लेदो खसेको हो ।

कार्यालयका प्रवक्ता प्रहरी नायब उपरीक्षक सूर्यबहादुर थापाका अनुसार सडक खण्डको सात दोबाटो र घुमाउनेमा ठूलो ढुंगा खसेर सडक एकतर्फी सञ्चालनमा आएको छ । 

कालिखोला, जलवीरे, सत्रकिलो लगायतका ठाउँमा ढुंगा र लेदो खसेको उनले जानकारी दिए । सडकमा खसेका ढुंगा पन्छाउनका लागि डिभिजन सडक कार्यालयसँग समन्वय भइरहेको उनले बताए ।

निरन्तरको वर्षाका कारण ढुंगा पन्छाउन कठिन भएको उनले जानकारी दिए ।