नेकपा माओवादी केन्द्रका प्रवक्ता नारायणकाजी श्रेष्ठले गैरजिम्मेवार प्रधानमन्त्रीका कारण नेपालीले लज्जित हुनुपरेको टिप्पणी गरेका छन् ।

सामाजिक सञ्जाल ट्विटरमा लेख्दै प्रवक्ता श्रेष्ठले कोरोना संक्रमण विरुद्धको भ्याक्सिन छिटो ल्याउन समेत माग गरेका छन् ।

प्रवक्ता श्रेष्ठले लेखेका छन्, ‘नेपालीहरूको प्रतिरोध क्षमता उच्च भएकाले कोरोनाले छुँदैन, हाच्छिउँ गरेर, बेसार पानी खाएर कोरोना फाल्दिऊँ भनेर संसदमै बोल्ने गैरजिम्मेवार प्रमको कारणले हामी नेपालीले दुःख मात्र पाएका छैनौं, लज्जित हुनुपरेको छ । नेपाल अहिले कोरोना संक्रमणको दरमा विश्वमै अगाडि छ । छिटो भ्याक्सिन ल्याइयोस् ।’

नेपालीहरुको प्रतिरोध क्षमता उच्च भएकाले कोरोनाले छुँदैन,हाछ्युँ गरेर ,बेसार पानी खाएर कोरोना फाल्दिउँ भएर सँसदमै बोल्ने गैर जिम्मेवार प्रमको कारणले हामी नेपालीले दुःख मात्र पाएका छैनौ,लज्जित हुनु परेको छ।नेपाल अहिले कोरोना सँक्रमणको दरमा बिश्वमै अगाडी छ ।छिटो भ्याक्सिन ल्याइयोस्।

— NKShresthaPrakash (@nksthaprakash) June 15, 2021