नेकपा एमालेका नेता तथा पूर्वमन्त्री गोकुल बाँस्कोटाले एमालेलाई ध्वस्त गर्न नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ले कोटेश्वरमा युरिया हालेको आरोप लगाएका छन् ।

कोटेश्वर माधवकुमार नेपालको निवास हो । सामाजिक सञ्जाल ट्विटरमा लेख्दै नेता बाँस्कोटाले माधव नेपालले एमालेलाई ध्वस्त पार्न खोजेको आरोप लगाए ।

सोमवार नेपाल निवासमै पुगेर देउवा र प्रचण्डले सामूहिक छलफल गरेका थिए ।

बाँस्कोटाले लेखेका छन्, ‘एमाले ध्वस्त गर्न प्रचण्ड देउवाले हिजो पनि कोटेश्वरको डिलमा युरिया हालेछन् । तर पोटास र फस्फोरस थियो कि थिएन ? अब कस्तो सप्रेला वा थप पहेलिएला हेर्नु छ ?’

एमाले ध्वस्त गर्न प्रचण्ड देउवाले हिजो पनि कोटेश्वरको डिलमा युरिया हालेछन।तर पोटास र फस्फोरस थियो कि थिएन? अब कस्तो सप्रेला वा थप पहेलिएला हेर्नु छ?

— Gokul Prasad Baskota (@GokulPBaskota) June 15, 2021