इजरायल र प्यालेस्टाइनको उग्रवादी संगठन हमासबीचको तनाव झनै चर्किएको छ । 
 

गाजामा ११ दिनसम्म चलेको हिंस्रक संघर्ष रोकिएको भए पनि शान्ति बहाल हुन सकेको छैन । हमासका सदस्यहरू बलून, कन्डम र चंगामा बम फिट गरेर गाजाबाट दक्षिण इजरायलतर्फ बढाइरहेका छन् । जवाफी कारवाहीमा इजरायली वायुसेनाले गाजामा क्षेप्यास्त्र आक्रमण गरिरहेको छ । 

प्यालेस्टाइनी सूत्रहरूका अनुसार, इजरायलले गाजामा अनेकौं ठाउँ ध्वस्त पारिदिएको छ । नागरिक प्रशासनको एक भवन पनि आक्रमणमा ध्वस्त भएको बताइएको छ । अनि कैयौं खेतहरू पनि ध्वस्त भएका छन् । आक्रमणमा कोही मारिएको खबर छैन । 

इजरायलको नयाँ सरकारले शक्ति प्रदर्शन गरेको भनी हमासले बयान जारी गरेको छ । 
 

हमासको नियन्त्रणमा रहेको अल अक्सा टीभीले गाजामा इजरायलको एक ड्रोन विमान खसाएको दाबी गरेको छ । अनि हमासले हेभी मशिनगनसहित इजरायलतर्फ गोली चलाएको पनि बताइएको छ । 

इजरायली मिडियाले गरेको दाबी अनुसार, विस्फोटक पदार्थ भरिएको बलून गाजाबाट आउन थालेपछि इजरायली सेनाले प्रतिकारात्मक कारवाही गरेको हो । 

विस्फोटक बलून छोडेर हमासले इजरायलका खेतमा आगो लगाउन खोजेको र मान्छे मार्न खोजेको इजरायलको आरोप छ ।
 

لحظة قصف موقع الادارة المدنية شرق جباليا شمال قطاع غزة#غزة_تحت_القصف pic.twitter.com/T0VCEB4SQP

— الغزاوي Ehabhelou (@Ehabhelou) June 17, 2021