लोकान्तर संवाददाता
काठमाडौं, १३ पुस –सर्वोच्च अदालतले नेपाल विद्युत प्राधिकरण सञ्चालक समितिका तीन सदस्यलाई बर्खास्त गर्ने निर्णय कार्यान्वयन नगराउन आदेश दिएको छ ।
बुधवार अदालतले प्राधिकरणका सञ्चालक समितिका सदस्यत्रय लक्ष्यमणप्रसाद अग्रवाल, मनोजकुमार मिश्र र सुरज लामिछानेलाई बखास्र्ती गर्ने यसअघिको उर्जा मन्त्रालयले निर्णय तत्काल कार्यान्वयन नगराउन आदेश दिएको हो । ‘बर्खास्तीको निर्णय तत्काल कार्यान्वयन नगराउन अल्पकालिन अन्तरिक आदेश दिइएको छ,’ अदालतका सहायक प्रवक्ता विश्वाज पौडेलले लोकान्तरसँग भने ।
थप छलफलका लागि अदालतले यही पुस १९ गते तीनै सदस्यलाई अदालतमा उपस्थित हुन निर्देशन दिएको सहप्रवक्ता पौडेलले भने ।
लोडसेडिङ अन्त्य गर्ने अभियानमा अवरोध गरेको भन्दै मन्त्रालयले सञ्चालक समितिका सदस्यत्रयलाई पुस पहिलो साता बर्खास्त गरेको थियो ।
