उत्तर कोरियाका सर्वोच्च नेता किम जोङ उनकी बहिनी यो जोङले अमेरिकासँग कूटनीतिक सम्बन्ध पुनर्बहाली तत्कालै हुन नसक्ने बताएकी छन् । 

अमेरिकाले उत्तरसँग वार्ताका लागि कुनै अपेक्षा राखेको छ भने उसले गहन निराशा मात्र हात पार्ने उनले मंगल बताइन् । 

अमेरिकाका राष्ट्रिय सुरक्षा सल्लाहकार जेक सलिभानले उत्तर कोरिया वार्ता र भिडन्त दुवैका लागि तयार हुनुपर्ने भनेपछि यो जोङले बयान जारी गरेकी हुन् । 

उनको बयानमा लेखिएको छ, ‘अमेरिकाले आफैंलाई आराम दिनका लागि परिस्थितिको व्याख्या गरिरहेको छ जस्तो देखिन्छ । उनीहरूले लिएको गलत अपेक्षाले उनीहरूलाई थप निराशामा धकेल्नेछ ।’

उत्तर कोरिया मामिलाका विषयमा अमेरिकी राजदूत सुङ किमले दक्षिण कोरियाको भ्रमण गर्न थालेको बेलामा यो जोङको बयान आएको हो । उत्तरबाट वार्ताका सम्बन्धमा सकारात्मक कुरा आउने आशा गरेको तर उत्तरमाथि अमेरिकाले लगाएको प्रतिबन्ध कायम रहने बताए ।