सर्वोच्च अदालतको अन्तरिम आदेशपछि सञ्चार तथा सूचना प्रविधि मन्त्री नैनकला थापा १३ दिनमै सिंहदरवारबाट बाहिरिएकी छिन् ।

पूर्वमाओवादी कोटामा रामबहादुर थापाकी पत्नी नैनकला थापाले जेठ २७ गते सञ्चार मन्त्रीको शपथ गरेकी थिइन् । 

नैनकलाको नियुक्तिलाई लिएर एमाले प्रवेश गरेका माओवादी नेताहरुका असन्तुष्टि पैदा गरेको थियो । उनीसँगै पूर्व माओवादी कोटाबाट कृषि मन्त्री बनेकी ज्वाला कुमारी शाह पनि घर फर्केकी छन् । 

प्रतिनिधि सभा विघटनपछि भएको मन्त्रिपरिषद् विस्तारमा नियुक्त मन्त्रीलाई काम गर्न सर्वोच्चले मंगलवार रोक लगाएको थियो । सर्वोच्चको आदेशपछि मन्त्री थापासहित २१ जेठमा सपथ गरेका जसपाका ९ मन्त्रीपनि पदमुक्त भएका छन् । 

प्रधानमन्त्री केपी शर्मा ओली, अर्थमन्त्री विष्णु पौडेल, शिक्षा मन्त्री कृष्ण गोपाल श्रेष्ठ, भौतिक पूर्वाधार मन्त्री वसन्त नेम्वाङ र कानून मन्त्री लीलानाथ श्रेष्ठ बाहेक अन्य मन्त्री पदमुक्त भएका छन् ।