पछिल्ला दिनमा निरन्तर ओरालो लाग्दै आएको शेयर बजार मंगलवार उकालो लागेपनि बुधवार फेरि ओरालो झरेको छ । 

मंगलवार झण्डै ८० अंकले बढेको नेप्से परिसूचक बुधवार टिक्न सकेन । बुधवार नेप्से परिसूचक ५१.६५ अंकले घटेको छ । 

यस दिन परिसूचक १.७७ प्रतिशतले घट्दा बजार २८६२.१८ विन्दुमा झरेको छ ।

यस दिन सेन्सेटिभ परिसूचक पनि ५.८१ अंकले घट्दै ५२८.९७ विन्दुमा झरेको छ ।

यस दिन कारोबारमा आएका २ सय १८ कम्पनीहरूको १ करोड ९४ लाख १७ हजार ५३२ कित्ता शेयर ८ अर्ब ३६ करोड २६ लाख ७१ हजार ६ सय ८१ रुपैयाँ बराबरमा खरिदबिक्री भएको छ । 

यस दिन उपसमूहहरू सबै राताम्मे रहेका छन् ।