धितोपत्र बजारमा शेयर कारोबार मापक नेप्से परिसूचक बुधवार पुनः उच्च अंकले ओरालो लागेको छ ।

मंगलवार उच्च अंकले बढेको नेप्सेले बुधवार सोही लय पछ्याएन ।

नेपाल स्टक एक्सचेञ्जका अनुसार ५१.६५ अंकले घटेर नेप्से २ हजार ८६२.१८ मा ओर्लेको छ । ठूला कम्पनीको शेयर कारोबार मापन गर्ने सेन्सेटिभ परिसूचक ७.३७ विन्दुले घटेर ५२८.९७ मा ओर्लेको छ ।

नेप्सेको ओरालो यात्राको प्रभाव कारोवार रकममा समेत देखिएको छ । कूल २१८ कम्पनीको १ करोड ९४ लाख १७ हजार ५३२ कित्ता शेयर ८ अर्ब ३६ करोड २६ लाख ७१ हजार ६८१ मा खरिद बिक्री भए ।

बुधवारको कारोबारपछि बजार पूँजीकरण पनि मंगलवारको तुलनामा खुम्चिएको छ । मंगलवार ४० खर्ब ४८ अर्ब २ करोड ४४ लाख रुपैयाँ बराबर पुगेको बजार पूँजीकरण बुधवार घटेर ३९ खर्ब ७३ अर्ब १७ करोड ७५ लाख ४० हजारमा सीमित भएको छ ।

कारोबार भएका १३ उपसमूहको शेयर नै ओरालो लागेको छ । त्यसमा बैंकिङ २८.५४, व्यापार ५५.५६, होटल तथा पर्यटन ६९.७७, विकास बैंक १६०.६६, जलविद्युत् ७१.४९, वित्त ६७.४४, निर्जीवन बीमा २८०.१२, उत्पादन १२१.१३, अन्य ४४.४३, लघुवित्त १००.३२, जीवन बीमा ३८७ ३८७.४२ , सामूहिक लगानी कोष ०.१४ र लगानी उपसमूह ०.३९ विन्दुले घटेको छ ।

कारोबारका आधारमा बुधवार पनि नेपाल पुनरबीमा कम्पनी शीर्ष स्थानमा रहेको छ । सो कम्पनीको ५४ करोड २० लाख ३६ हजार रुपैयाँ बराबरको कारोबार भयो । नेपाल इन्स्योरेन्स कम्पनी ४२ करोड ४ लाख ४८ हजार ७३५, राधी विद्युत् कम्पनी ३८ करोड ४१ लाख ६८ हजार ५६५, नेसनल हाइड्रोपावर कम्पनी ३३ करोड ८९ लाख ५६ हजार २५९ र एचआईडीसीएल ३० करोड ३१ लाख ७६ हजार १६५ बराबरको कारोबार भई शीर्ष स्थानमा रहेको छ ।

कारोबारका आधारमा राधी विद्युत् कम्पनी ९.७१, ङादी ग्रसप अफ पावर ९.०९, छ्याङदी हाइड्रोपावर ६.५६, नेपाल इन्स्योरेन्स ६.१६ र घलेम्दी हाइड्रोका लगानीकर्ताले ६.०२ प्रतिशतले कमाए । यस्ते, कालिका पावर कम्पनी ५.६०, नेपाल फाइनान्स ५.४८, मञ्जुश्री फाइनान्स ५.१४, नेपाल हाइड्रो डेभलपर ५.०८ र अरुण काबेली पावरका लगानीकर्ताले ५ प्रतिशतले गुमाए ।