इंग्ल्यान्डमा भएको विश्व टेस्ट च्याम्पियनशिपको फाएनलमा न्युजील्यान्डले भारतलाई आठ विकेटले हराएपछि भारतीय टीमका कप्तान विराट कोहलीको चर्को आलोचना भएको छ । 

रिजर्भ छैटौं दिनमा जुनसुकै परिणाम आउने सम्भावना रहेको भए पनि न्युजील्यान्डका क्रिकेटरहरूले भारतलाई दोस्रो इनिङमा १७० रनमै अलआउट गरे अनि १३९ रनको सामान्य लक्ष्य सजिलै पछ्याए । 
 

न्युजील्यान्डले भारतलाई ब्याटिङ, बलिङ र फील्डिङ तीनै क्षेत्रमा मात दियो । 

त्यसपछि कप्तान कोहली र प्रशिक्षक रवि शास्त्रीप्रति भारतीय क्रिकेटका प्रशंसकहरूको आक्रोश विस्फोट भयो । उनीहरूले कोहलीलाई कप्तानीको पदबाट हटाउनुपर्ने अनि शास्त्रीलाई पनि प्रशिक्षक राखिरहन नहुने माग गरेका छन् ।