सिरहा जिल्लाको गोलबजार नगरपालिका ४ स्थित शिवचोकबाट सशस्त्र प्रहरीले करीव १६ लाख रुपैयाँ बराबरको ४ वटा सुनको बालासहित दुई जनालाई पक्राउ गरेको छ ।
    
पक्राउ पर्नेहरुमा सोही जिल्लाको लक्ष्मीपुर बस्ने १९ वर्षिय साउद्दीन खान र १९ वर्षिय दिवस कुमार मण्डल छन् ।
    उनीहरुलाई सशस्त्र प्रहरी बल नेपाल नेपाल नम्बर ७ गण सिरहाबाट खटिएको सशस्त्र प्रहरीले शंका लागि जाँच गर्दा उनीहरुको साथमा करीव दुई सय ग्रामको उक्त चार वटा सुनको वाला फेला परेको हो ।
    पक्राउ परेकाहरलाई बरामद सुनको वालासहित आवश्यक कारवाहीको लागि भन्सार कार्यालय मार्डरमा बुझाईएको सशस्त्र प्रहरीले जनाएको छ ।