नेपाली कांग्रेसका बरिष्ठ नेता रामचन्द्र पौडेलले बोलाएको कांग्रेस नेताहरुको भेला चलिरहेको छ ।

बसुन्धरा स्थित एक पार्टी प्यालेसमा शुक्रवार दिउसो छलफल भइरहेको हो । 

महाधिवेशनको तयारीका विषयमा छलफल गर्न सभापति शेरबहादुर देउवा इतरका नेताहरुको बैठक राखिएको हो ।

देउवाले आगामी महाधिवेशनमा सभापतिमा दोहोरिने बताएपछि देउवा इतर समूहले छलफल शुरू भएको हो ।

पौडेलले बोलाएको छलफलका डा शेखर कोइराला, गगन थापा प्रदीप पौडेल लगायत नेताहरु सहभागी छन् । 

नेत्री सुजाता कोइराला भने केहीबेर उपस्थित भएर बाहिरिएकी छिन् । नेता कृष्ण सिटौला भने उपस्थित नरहेको त्यहाँ रहेका एक केन्द्रीय सदस्यले जानकारी दिए ।

शुक्रवार नै महामन्त्री डा शंशाक कोइरालाको निवासमा उपसभापति विमलेन्द्र निधि र प्रकाशमान सिंहबीच छलफल भएको थियो ।

कांग्रेसको महाधिवेशन भदौ १६ देखि १९ सम्म काठमाडौंमा हुँदैछ ।