कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
असार २१, २०७८
प्रदेशको राजधानी माग्दै धनकुटावासीले आन्दोलन गरेपछि मुख्यमन्त्री शेरधन राईले ललिपप देखाए– मुख्यमन्त्रीको सम्पर्क कार्यालय धनकुटामा राख्ने भनेर ।
भूगोलका आधारमा पनि प्रदेशको राजधानी धनकुटा राख्नु उपयुक्त हुने स्थानीय जनताको मागलाई सम्मान गर्दै मुख्यमन्त्रीको सम्पर्क कार्यालय स्थापना गर्ने बताइयो ।
सम्पर्क कार्यालय खोल्नेसम्बन्धी निर्णय २०७६ वैशाख १७ गते बसेको मन्त्रिपरिषद् बैठकले समेत गरेको थियो । तर उक्त कार्यालय अहिले लगभग कामविहीन छ ।
आफैंले खोलेको सम्पर्क कार्यालयमा मुख्यमन्त्री राई दुईपटक मात्रै पुगेका छन् । कार्यालय खुलेको दुई वर्ष बितिसकेको छ । ‘मुख्यमन्त्रीज्यू दुईपटक मात्रै यहाँ आइपुग्नुभएको छ,’ सम्पर्क कार्यालयका कर्मचारी केशव कोइरालाले भने, ‘सचिवज्यूहरू भने महिनामा एकपटक आइपुग्नुहुन्छ ।’
धनकुटास्थित तत्कालीन क्षेत्रीय प्रशासन कार्यालयको भवनलाई मुख्यमन्त्री तथा मन्त्रिपरिषद्को सम्पर्क कार्यालयका रूपमा रूपान्तरण गरिएको छ ।
पूर्वी पहाडी जिल्लाका जनताहरूलाई सेवा दिने उद्देश्यले खोलिएको कार्यालयमा २ जना कर्मचारी रहेका छन् । एकजना नायब सुब्बा र एकजना कार्यालय सहयोगीका भरमा मुख्यमन्त्रीको सम्पर्क चल्दै आएको छ ।
कार्यालयमा काम नभएपछि कर्मचारीहरूलाई दिन कटाउनै मुस्किल हुन्छ । शायद जनतालाई पनि कार्यालयप्रति कुनै विश्वास छैन, त्यसैले न काम लिएर आउँछन्, न त गुनासो नै ।
धनकुटा, तेह्रथुम, संखुवासभा, धनकुटा, भोजपुर, ओखलढुंगा, सोलुखुम्बु लगायतका जिल्लाका जनतालाई सो कार्यालयबाट सेवा दिने जनाइएको थियो ।
‘कार्यालयमा माकुरोको जालो र लेउ लागेको छ,’ प्रदेश सांसद कुसुम श्रेष्ठले भनिन्, ‘धनकुटेली जनतालाई त्यस्तो कार्यालय चाहिँदैन, मुख्यमन्त्रीले आफ्नै घर वा ससुरालीतिर सारे हुन्छ ।’
मुख्यमन्त्रीले जनतासँग गरेको वाचा भुलेको भन्दै उनले प्रदेश सरकार संघको कठपुतली बन्दा जनताले सास्ती खेप्नु परेको आरोप समेत लगाइन् ।
तेह्रथुम वसन्तपुरका प्रकाश श्रेष्ठ पनि मुख्यमन्त्रीले सम्पर्क कार्यालयलाई उपेक्षा गरेर जनताप्रति बेवास्ता गरेको आरोप लगाउँछन् ।
‘मुख्यमन्त्रीलाई काठमाडौं जान पानी पँधेरो जस्तो छ, तर आफैँले खोलेको कार्यालयमा आएर जनताको समस्या सुनिदिए के बिग्रिन्थ्यो ?’ श्रेष्ठले गुनासो गरे ।
यता, मुख्यमन्त्री राईको सचिवालयका सदस्यहरूले भने सो कार्यालयका विषयमा खासै जानकारी नभएको बताउँछन् । ‘कर्मचारीहरूले नै हेर्ने गरेकाले हामीलाई त्यसबारे खासै जानकारी छैन,’ मुख्यमन्त्री राईका प्रेस सल्लाहकार ध्रुव सुवेदीले लोकान्तरसँग भने ।
प्रदेश १ का प्रमुख सचिव सुमनराज प्याकुरेल आगामी आवदेखि कार्यालयलाई व्यवस्थित बनाउने बताउँछन् । ‘कोभिडका कारण प्रशासनिक काममा समेत समस्या भएकाले सो कार्यालयबाट भनेजति सेवा दिन सकिएन,’ प्याकुरेलले भने, ‘आगामी आर्थिक वर्षदेखि व्यवस्थित बनाउँछौं ।’
धनकुटामा मात्र होइन, मुख्यमन्त्री राईले काठमाडौंमा पनि सम्पर्क कार्यालय खोलेका छन् । उक्त कार्यालयको भाडा नै मासिक साढे ३ लाख छ ।
मुख्यमन्त्रीको आवास तथा सम्पर्क कार्यालय सञ्चालनका लागि भनेर महिनाको ३ लाख ५१ हजार ५ सय रुपैयाँ पर्ने घर भाडामा लिइएको छ ।
महाराजगञ्जस्थित उक्त सम्पर्क कार्यालयको भाडामात्र वार्षिक ४२ लाख १८ हजार हुन आउँछ । उक्त कार्यालय २ वर्षदेखि सञ्चालन हुँदै आएको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...