प्रधानमन्त्रीका मुख्य सल्लाहकार विष्णु रिमालले असार २८ अर्थात आजको दिनलाई विसंगत दिनको रुपमा टिप्पणी गरेका छन् ।
उनले अदालतले जनादेशलाई भन्दा परमादेशलाई ठूलो बनाइदिएको भन्दै सो दिनलाई विसंगत दिनको रुपमा टिप्पणी गरेका हुन् ।

सोमबार सामाजिक सञ्जालमा उनले भने, ‘आज असार २८ गते—जनादेश हैन,परमादेश ठूलो भन्ने फैसला भएको विसंगत दिन ।’
सर्वोच्च अदालतले सोमबार प्रतिनिधिसभा विघटनको निर्णय बदर गर्दै दुई दिनभित्र काँग्रेस सभापति शेरबहादुर देउवालाई प्रधानमन्त्रीमा नियुक्त गर्न परमादेश जारी गरेको थियो ।