काँग्रेस सभापति शेरबहादुर देउवालाई प्रधानमन्त्रीमा नियुक्ति गर्दाको भाषा सच्चिएको छ।  यसअघि सर्वोच्च अदालतको फैसलाअनुसार देउवालाई राष्ट्रपतिमा नियुक्त गरेको विज्ञप्ति शीतल निवासले जारी गरेको थियो ।
तर सोप्रति देउवाले असन्तुष्टि जनाएपछि राष्ट्रपति कार्यालयले भाषा सच्याएको हो । शीतल निवासमा भएको दुई पक्षीय बैठकपछि भाषा सच्याउने सहमति भएको हो।  

सच्याइएको भाषामा भनिएको छ, ‘सम्माननीय राष्ट्रपति विद्यादेवी भण्डारीले सर्वोच्च अदालत संवैधानिक इजलासको मिति २०७८ असार २८ गतेको फैसलाबमोजिम साथै नेपालको संविधानको धारा ७६(५) अनुसार नेपाली काँग्रेस संसदीय दलका नेता माननीय श्री शेरबहादुर देउवालाई प्रधानमन्त्री पदमा आज मिति २०७८ असार २९ गते नियुक्त गर्नु भएको छ। ’

सहमतिसँगै मंगलबार राति देउवाले प्रधानमन्त्रीको रुपमा पद तथा गोपनीयताको शपथ लिएका छन् ।