नेकपा एमालेका उपाध्यक्ष भीम रावलले प्रतिनिधिसभा सदस्य पदबाट दिएको राजीनामाबारे नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले दिएको अभिव्यक्तिप्रति स्पष्टीकरण दिएका छन् ।

अध्यक्ष प्रचण्डले शनिवार आयोजित कार्यक्रममा राजीनामालाई ‘पाँच दलको गठबन्धन’ फुटाउने ‘खेल’ भन्नुलाई उपाध्यक्ष रावलले हास्यास्पद र मनगढन्ते भनाइको संज्ञा दिएका छन् ।

उपाध्यक्ष रावलले ट्विटरमा लेखेका छन्, ‘प्रतिनिधि सभाको सदस्यबाट राजीनामा दिएर म स्वच्छ राजनीति र पार्टी एकताको पक्षमा उभिएको हुँ, पुष्पकमल दाहाल ‘प्रचण्ड’जीले भन्नुभएझैं ‘ढलेको’ होइन ।’

उनले लिखित नोट नै जारी गरेर थप स्पष्ट पारेका छन् । पढ्नुहोस् लिखित विवरण –

प्रतिनिधि सभाको सदस्यबाट राजीनामा दिएर म स्वच्छ राजनीति र पार्टी एकताको पक्षमा उभिएको हुँ, पुष्पकमल दाहाल'प्रचण्ड'जीले भन्नुभएझैं 'ढलेको' होइन।थप कुरा यस प्रकार छन्: pic.twitter.com/bh6zVzR0D9

— Dr. Bhim Rawal (@BhimRawal179) July 24, 2021