राजधानीको गोंगबु–नयाँ बसपार्कबाट तीन जनालाई प्रहरीले पेस्तोलसहित पक्राउ गरेको छ । बुधबार साँझ नयाँ बसपार्कमा रहेको  बिजी महल अगाडि चेकप्वाइन्टमा राखी चेकजाँच गर्ने क्रममा ३ जना सवार स्कुटर रोक्न खोज्दा स्कुटर नै छोडेर भाग्ने तीन जनालाई फलो गर्दै जाँदा नियन्त्रणमा लिएर खनतलासी गर्दा पेस्तोल भेटिएको प्रहरीको भनाइ छ ।

महानगरीय प्रहरी परिसर काठमाडौंका अनुसार  बसपार्ककै आरके  रेष्टुरेन्टमा प्रवेश गरेका उनीहरुलाई नियन्त्रणमा लिई खानतलासी गर्दा धादिङका विकेश मगरको साथबाट पेस्तोल बरामद भएको हो ।
यस्तै त्यसमा लाग्ने  गोली ५ राउण्ड, खुकुरी  र थोरै मात्रामा गाँजा पनि फेला परेको  छ ।

पक्राउ पर्नेमा विकेश मगरसहित धादिङकै मन्दिप थापा  र सुजन मगर रहेका छन् ।