सत्तारुढ गठबन्धनले काठमाडौं उपत्यकामा खानेपानी आपूर्तिका लागि मेलम्ची परियोजनालाई शीघ्र पुनर्निर्माण गर्ने घोषणा गरेको छ । 

सरकार सञ्चालनका लागि सार्वजनिक गरिएको साझा न्यूनतम कार्यक्रममा मेलम्चीको शीघ्र पुनर्निर्माण गर्ने उल्लेख छ । निर्माणको काम सम्पन्न गरेर आयोजना उद्घाटन गरे पनि असार १ गते मेलम्ची नदीमा आएको बाढीका कारण बाँधस्थल प्रभावित भएपछि मेलम्ची अनिश्चित भएको छ । 

प्रधानमन्त्री तथा मन्त्रिपरिषद्को कार्यालय सिंहदरबारमा आयोजित समारोहमा प्रधानमन्त्री शेरबहादुर देउवालगायत दलका शीर्ष नेताहरूले साझा कार्यक्रम सार्वजनिक गरेका छन् ।