नेकपा एमाले संसदीय दलको बैठक बानेश्वरमा शुरू भएको छ । 

सरकारले राजनीतिक दलसम्बन्धी अध्यादेश ल्याएपछिको अवस्थाबारे छलफल गर्न संसदीय दलको बैठक बसेको हो । 

संसदको अधिवेशन अनत्य गरेर सरकारले अध्यादेश ल्याउने तयारी गरेपछि एमालेले आजका लागि संसदीय दलको बैठक बोलाएको हो । 

संसदको अधिवेशन सकिएपछि संसदीय दलको बैठक बस्ने परम्पराअनुसार बैठक बसेको सचेतक शान्ता चौधरीले जानकारी दिइन् । 

पार्टीमा उत्पन्न समस्याको विषयमा संसदीय दलको बैठकमा छलफल हुने अर्का एक सांसदले जानकारी दिए । आजै बसेको एमाले स्थायी कमिटी बैठकले राजनीतिक दलसम्बन्धी अध्यादेशको विरोध गर्दै सशक्त प्रतिवाद गर्ने निर्णय गरेको थियो ।