बलिउड अभिनेता तथा ‘बिग बोस’ १३ का विजेता सिद्धार्थ शुक्लाको बिहीवार निधन भएको छ ।

मुम्बईको कूपर अस्पतालमा बिहिवार सिद्धार्थको निधन भएको हो । उनको अन्तिम संस्कार आज गरिने बताइएको छ ।

४० वर्षीय सिद्धार्थको हृदयघातबाट निधन भएको जनाइएको छ । सिद्धार्थले बुधवार सुत्नुअघि केही औषधि खाएका थिए, त्यसपछि उनी उठ्नै सकेनन् ।

बिहीवार नै अस्पतालले सिद्धार्थको निधन हृदयघातबाट भएको पुष्टि गरेको थियो ।