पछिल्लो २४ घण्टाको अवधिमा १ नम्बर प्रदेशमा ३४९ जनामा कोरोना संक्रमण पुष्टि भएको छ ।

बिहीवार ८०७ जनाको पीसीआर परीक्षण गर्दा २४३ र ५०९ जनाको एन्टिजेन परीक्षण गर्दा १०६ जनाको रिपोर्ट पोजेटिभ आएको सामाजिक विकास मन्त्रालयले जनाएको छ ।

मन्त्रालयका अनुसार पीसीआर परीक्षणका आधारमा झापामा ७७, मोरङमा ७६ मध्ये विराटनगरमा ४३, सुनसरीमा ७१, धनकुटामा ६, इलाम र उदयपुरमा ४/४, पाँचथर र तेह्रथुममा १/१ र प्रदेश बाहिरका ३ जनामा संक्रमण भएको हो ।

प्रदेशमा बिहीवारै ३५८ जना कोरोना संक्रमणमुक्त भएका छन् । संक्रमणमुक्त हुनेमा १७१ महिला र १८७ पुरुष रहेका छन् ।

पछिल्लो २४ घण्टामा कोरोना संक्रमणबाट १ पुरुषको मृत्यु भएको मन्त्रालयले जनाएको छ ।