अमेरिकासँग २० वर्ष युद्ध गरेर अहिले शासन गर्न आइपुगेको तालिबानले अमेरिकालाई चिढ्याउन कुनै अवसर गुमाएको छैन । 

अफगानिस्तानमा तालिबान सरकारले ११ सेप्टेम्बर अर्थात् शनिवार शपथग्रहण गर्दैछ । आजभन्दा २० वर्षअगाडि सेप्टेम्बर ११ मा ओसामा बिन लादेनको आतंकवादी संगठन अलकायदाले अमेरिकाको न्युयोर्कस्थित ट्विन टावरमा आक्रमण गरेर ३ हजारजनाको ज्यान लिएको थियो ।  

त्यही आत्मघाती आक्रमणपछि अमेरिकी सेना अफगानिस्तान पुगेर तालिबान सरकारलाई सत्ताच्युत गरेको थियो । 

बीस वर्षपछि सत्तामा फर्केको तालिबानले जानीबुझी अमेरिकालाई चिढ्याउनका लागि सेप्टेम्बर ११ को दिन शपथग्रहण गरेको हो ।