माघ २०, २०८०
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
भदौ ३१, २०७८
नेपाल विदेशी नागरिकहरूको अपराध गर्ने थलो बन्दै गएको छ ।
लागूऔषध तस्करी, सुन तस्करी, साइबर अपराध, बाल यौन दूराचार र यौनधन्दाका लागि विदेशी नागरिकहरूले नेपाली भूमि प्रयोग गर्ने गरेका छन् ।
.....
भदौ १३ गते लागूऔषध नियन्त्रण ब्यूरोले झण्डै ३ केजी कोकिनसहित अफ्रिकन नागरिक सिर्ले गामालाई पक्राउ गर्यो । लागूऔषध कोकिन बोकेर दक्षिण अफ्रिकको जोहानेसवर्गबाट केपटाउन, त्यहाँबाट कतारको दोहा हुँदै नेपाल आएकी गामालाई ब्यूरोको टोलीले त्रिभुवन अन्तर्राष्ट्रिय विमानस्थलबाट पक्राउ गरेर उनी बस्ने होटलसम्म लगेको थियो । भारतमा पर्यटक भिषा नपाएपछि नेपालमा जरिवाना तिरेर भित्रिएकी उनलाई विद्यार्थी भिषामा नेपालमा बस्दै आएकी ताञ्जेनियाकी एक युवतीले सघाएको प्रहरी अनुसन्धानमा खुलेको थियो ।
सन् २०१९ को शुरूआतमा पर्यटक भिसामा नेपाल आएकी ताञ्जेनियाकी २६ वर्षीया गेरटुर्डे लिओनार्ड किमारो पछिल्लो दुई वर्षदेखि विद्यार्थी भिसामा नेपाल बस्दै आएकी छिन् । विश्व भाषा क्याम्पसमा नेपाली विषय अध्ययन गर्ने बहानामा काठमाडौंको क्षेत्रपाटीमा २० हजारमा फ्ल्याट भाडामा लिएर बसेकी छन् ।
एक्लै बस्दै आएकी किमारोले फ्ल्याटमा यौनधन्दा समेत चलाउँदै आएको प्रहरी अनुसन्धानमा देखिएको छ । उनले नेपालका भीआईपी ग्राहकलाई लक्षित गरेर यौन धन्दा चलाउँदै आएको तथ्य बाहिर आएको थियो । यसका साथै उनले नेपालमा बसेर भारतमा रहेका लागूऔषधका कारोबारी र अफ्रिकामा रहेका एजेन्टहरूसँग मध्यस्तताको भूमिका खेल्दै आएको अनुसन्धानमा खुलेको लागूऔषध नियन्त्रण ब्यूरोले जनाएको छ ।
.....
२०७६ भदौ १४ गते बेलुका दरबारमार्गको एटीएम ह्याक गरेर पैसा चोरी गर्दैगर्दा ६ जना चिनियाँ नागरिक पक्राउ परेका थिए । उनीहरूको साथबाट प्रहरीले १ करोड ६७ लाख नेपाली रुपैयाँसमेत बरामद गरेको थियो ।
प्रहरीले चिनियाँ नागरिक लिन जियानमेङ, लुओ जियालेइ, झु लियानगाङ, किउ युनकिङ र चेन बिन बिन लगायत ५ जनालाई सार्वजनिक गरेको थियो ।
त्रिभुवन अन्तर्राष्ट्रिय विमानस्थलबाट भाग्न खोजेका सु लु सिङ अर्को दिन भदौ १५ गते पक्राउ परेका थिए । उनीहरूले नबिल बैंकको दरबारमार्गमा रहेको एटीएम, हिमालयन बैंकको ठमेलमा रहेको एटीएम र प्रभू बैंकको कमलपोखरीमा रहेको एटीएमबाट रकम निकालेका थिए ।
पक्राउ परेका चिनियाँ नागरिकको साथबाट १ करोड २६ लाख २९ हजार ४५ नेपाली रुपैयाँ, ९ हजार १ सय ८ अमेरिकी डलर, १ हजार १ सय ९१ चिनियाँ युवान, २ सय ५० यूरो, ५ हजार क्याम्बोडिन मुद्रा र ८० हङकङ डलर फेला परेको थियो ।
नक्कली भिसा कार्ड १ सय ३२ थान, सक्कली भिसा कार्ड १८ थान, कार्ड प्रिन्टर मशिन १ थान, ल्यापटप, सामसुङ मोबाइल र डाटा कार्ड १/१ थान प्रहरीले बरामद गरेको थियो ।
एटीएमबाट लुटिएको पैसा साट्न सहयोग गर्ने डेक्सो मनि एक्चेन्जका सञ्चालक देवनाथ लामिछाने, नेपालय मनि एक्चेन्जका सञ्चालक रोशन प्रधान श्रेष्ठ र नेपालय मनि एक्सचेन्जकै म्यानेजर रेवती दवाडी पनि भदौ १६ गते पक्राउ परेका थिए ।
हात्तीसारस्थित होटल मायामनोहर बुटिकका २०१, ६०२ र ६०४ नम्बर कोठामा आरोपी चिनियाँ नागरिक बसेका थिए । उनीहरू अहिले बैंकिङ कसूरअन्तर्गतको मुद्दामा केन्द्रयी सुन्धारामा छन् ।
.....
२०७६ पुस ७ गते केन्द्रीय अनुसन्धान ब्यूरो र महानगरीय अपराध महशाखाको टोलीले काठमाडौंको बौद्ध, टोखा लगायतका विभिन्न ठाउँबाट घर भाडामै लिएर गेम्लिङ खेलाउने १२२ जना चिनियाँ नागरिकलाई पक्राउ गरेको थियो । प्रहरीले उनीहरूको साथबाट ७४७ मोबाइल र ३३१ ल्यापटप, ९८ वटा सीपीयू, ९९ मोनिटर, २२ पेनड्राइभ र ३२७ सीमकार्डसहित ८ ट्रक सामानहरू बरामद गरेको थियो । उनीहरूलाई पक्राउ गरेको १० दिनपछि अध्यागमन विभागले चीन डिपोर्ट गरेको थियो ।
सोही दिन नै पर्यटक भिषामा नेपाल आएका ९६ जना चिनियाँ नागरिक पक्राउ परेका गरेका थिए । ४ सयभन्दा बढी सरकारी वेबसाइटहरू ह्याक भएपछि माथिको ठाडो निर्देशनमा ती चिनियाँ नागरिकहरूलाई महानगरीय अपराध महाशाखाले पक्राउ गरेको थियो ।
२०७६ साउन ७ गते पोखरा महानगरपालिका वडा नम्बर ६, डिहिकोपाटनबाट बालयौन दुराचारको आरोपमा ६३ वर्षीय अष्ट्रेलियन नागरिक बेरीम्यान टमस अल्फ्रेडलाई प्रहरीले पक्राउ गरेको थियो ।
केन्द्रीय अनुसन्धान ब्यूरो (सीआईबी) र जिल्ला प्रहरी कार्यालय कास्कीको संयुक्त टोलीले कोठामा राखिएका दुई बालकलाई तत्काल उद्धार गरेको थियो । अल्फ्रेडले भाडामा लिएको कोठामा ती बालकसँग बालयौन दूराचार (अप्राकृतिक मैथुन) गर्ने गरेका थिए । पक्राउ परेका अल्फ्रेड पेशाले प्याराग्लाइडिङ पाइलट हुन् । उनी वर्किङ भिसामा नेपाल आएका थिए ।
.....
२०७५ साउनमा काठमाडौंको गौशालाबाट बाल यौनदुराचारमा संलग्न भएको आरोमा फ्रान्सेली नागरिक ४२ वर्षीय क्रिस्टोफे ग्लोलक्स र ३८ वर्षीय मिचेलचुपाउलाई पक्राउ गरेको थियो । उनीहरूले कागेश्वरी मनोहरा भद्रवासमा डेरा लिएर बाल यौन दुराचार गर्दै आएको खुलेको थियो ।
यसभन्दा अगाडि २०७४ चैन २६ मा नेपाल प्रहरीको केन्द्रीय अनुसन्धान ब्युरो सीआईबीले बालयौन दुराचारको अरोप लागेका संयुक्त राष्ट्रसंघका पूर्वअधिकारीलाई काभ्रेपलाञ्चोकबाट पक्राउ गरेको थियो ।
नेपाली बालबालिकालाई ललाईफकाई यौन दुराचार गरेको आरोपमा क्यानेडियन नागरिक ६० वर्षीय पिटर जोन डालग्लिस पक्राउ परेका थिए ।
डालग्लिसले सन २०१० देखि २०१४ सम्म युएन हेबिट्याटको कन्ट्री रिप्रिजेन्टेटिभका रूपमा अगानिस्तानमा काम गरका थिए ।
५ वर्षमा ३३ सय विदेशी पक्राउ– प्रहरी
प्रहरी प्रधान कार्यालयको तथ्याङ्कअनुसार नेपालमा आगूऔषध, चोरी, हुण्डी, बाल यौनदुराचार लगायत अपराधमा पछिल्लो ५ वर्षमा ३ हजार ३६४ जना विदेशी नागरिक पक्राउ परेका छन् ।
आर्थिक वर्ष २०७३/०७४ मा ३६ जना महिला र ५१९ जना पुरुष गरी ५ सय ५५ जना, ०७४/०७५ मा ३१ महिला ७ सय ८ पुरुष गरी ७ सय ३९ जना, २०७५/०७६ मा ६४ महिला र ७९३ पुरुष गरी ८ सय ५७ जना, २०७६/०७७ मा ५६ महिला र ६७७ पुरुष गरी ७ सय ३३ जना र आर्थिक वर्ष २०७७/७८ मा १० महिला र ३९० पुरुष गरी ४ जना विदेशी नागरिक अपराधमा संलग्न देखिएका छन् ।
नेपाल प्रहरीका प्रवक्ता वसन्त कुवँरका अनुसार नेपालमा संगठित अपराध, लागूऔषध, साइबर अपराध लगायतका अपराध विदेशी नागरिकहरू पक्राउ परेका छन् ।
प्रहरी विषेश गरेर लागूऔषध भित्रिने देश नाइजेरियालगायत अफ्रिकन देशहरूबाट आउने विदेशीलाई प्रहरीले त्रिभुवन अन्तर्राष्ट्रिय विमानस्थल लगायत नेपाल भित्रिने नाकाहरूमा निगरानी राख्ने गरेको प्रवक्ता कुँवरले लोकान्तरलाई बताए ।
अहिले नेपालका कारागारहरूमा १ हजार २६५ जना विदेशी नागरिकले कैद भुक्तान गरिरहेका छन्, त्यसमध्ये सबैभन्दा धेरै भारतीय नागरिक १ हजार ९९ जना, चिनियाँ नगरिक २६ जना, भूटानी नागरिक २३ जना र बाँकी अन्य विभिन्न देशका रहेका कारागार व्यवस्थापन विभागका प्रवक्ता नारायण न्यौपानेले बताए ।
न्यौपानेका अनुसार कारागार सजायँ भुक्तान सकेपछि उनीहरूको अपराधको प्रकृति हेरेर उनीहरूकै देशमा डिपोर्ट गर्नका लागि अध्यागमन विभाग पठाइन्छ । भारतीय नागरिकहरू भने कैद भुक्तान गरेपछि पनि प्रायः नेपालमै बस्ने गरेका छन् ।
‘भारतीय श्रमिकहरू यहीँ बसेर काम गर्ने गरेको पनि पाएका छौं भने अन्य देशका नारिकहरूलाई आफ्नो देश पठाउन अध्यागमन विभागमा पठाउँछौं,’ प्रवक्ता न्यौपानेले लोकान्तरसँग भने ।
५ वर्षमा २४ सय डिपोट भए : प्रवक्ता झङ्कनाथ ढकाल अध्यागमन विभाग अध्यागमन विभाग
पछिल्लो ५ वर्ष अर्थात सन् २०१७ देखि २०२१ को सेप्टेम्बर १० तारिखसम्ममा २ हजार ४०३ जनालाई डिपोट गरेको छ ।
विभागका निर्देशक झङ्कनाथ ढकाललका अनुसार सन् २०१९ मा ओभर स्टेका कारण ५९० जना, राहदानी जालसाजीमा २९ जना, विना पासपोर्ट नेपाल प्रवेश गरेका ५ जना, लागूऔषधमा पक्राउ परेका ८ जना, बैकिङ ठगीमा १ जना, खोटा चलन ३ जना, यौनदुराचार ३ जना, सुन चोरी ९ जना, अवैध हुण्डी कारोवारमा ३ जना, ठगी र कलबाइपासमा २/२ जना र अन्य विभिन्न कसूरमा १५ जनालाई डिपोट गरेको थियो ।
यस्तै सन् २०२० मा ओभर स्टे ९२ जना, भिषाविपरीतको कार्य १६४ जना, शंकास्पद राहदानी १३ जना, लागूऔषध ९ जना, जाली राहदानी ८ जना, विना भिषा नेपाल प्रवेश ७ जना, आन्दोलनकारी ३ जना, खोटा चलन ३ जना, चोरी २ जना, लागूऔषध ३ जना, राहदानी दुरुपयोग ३ जना, चोरी २ जना, जाली नागरिकता ३ जना, जाली भिषा ३ जना, मानव बेचबिखन तथा संगठित अपराधमा ३ जना, सुन तस्कर २ जना र अन्य १३ जनालाई डिपोट गरेको निर्देशक ढकालले बताए ।
डिपोट गरिनेमध्ये अधिकांश ओभर स्टेका हुन्छन् । त्यसपछि विभिन्न अपराध गरेर सजाय भुक्तान गरिसकेकाहरूलाई डिपोट गर्ने गरेको निर्देशक ढकालले लोकान्तरलाई बताए ।
‘नेपालमा शंकास्पद राहदानी भएका, लागूऔषध कोरावारीहरू, सुनचोरीमा संलग्नहरूलाई पनि अध्यागमनले डिपोट गर्दै आएको छ,’ निर्देशक ढकालले भने ।
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...