काठमाडौंबाट ओखलढुंगा आउँदै गरेको बोलेरो जीप रामेछापको मन्थलीमा दुर्घटना हुँदा ३ जनाको मृत्यु भएको छ । 

बिहीवार बिहान काठमाडौंबाट खिजीफलाटेका लागि छुटेको प्रदेश नम्बर ३–०१–०२३च ३५१३ सामान बोक्ने बोलेर दुर्घटना हुँदा चालक लाक्पा शेर्पासहित ३ जनाको घटनास्थलमै मृत्यु भएको हो ।

मन्थली नगरपालिका–१ कुनौरी बोक्सेको भीरमा भएको दुर्घटनामा जीप चालक ओखलढुंगाको खिजदेम्बा गाउँपालिका–६ का लाक्पा शेर्पा, उनकी पत्नी फुर्वा शेर्पा र सवारी धनी वाङसेन शेर्पाको घटनास्थलमै मृत्यु भएको जिल्ला प्रहरी कार्यालय रामेछापका सूचना अधिकारी श्रीशंकर श्रेष्ठले जानकारी दिए ।

प्रहरीका अनुसार दुर्घटनामा १ बालक गम्भीर घाइते भएका छन् । गम्भीर घाइते हुनेमा १२ वर्षीय पेम्बा शेर्पा रहेका छन् ।

बोलेरो खुर्कोट–मन्थली सडकखण्डको हात्तीटार (बोक्से) भीरबाट तामाकोशी नदीमा खसेको थियो ।