प्रमुख प्रतिपक्ष नेकपा एमालेले लुम्बिनी प्रदेश सभाको बिहीवारको बैठक पनि अवरुद्ध गरेको छ ।

नयाँ सरकार गठन भएसँगै लुम्बिनी प्रदेशसभा चल्न सकेको छैन ।

सूर्य चिह्नबाट निर्वाचित अजय शाही र बिमला वलीलाई पदमुक्त गर्न माग गर्दै एमालेले निरन्तर संसद अवरुद्ध गरिरहेको छ ।

बिहीवार पनि सभामुख पूर्णबहादुर घर्तीले बैठक शुरू गर्नासाथै एमालेका सांसदहरूले वेल घेराउ गर्दै नाराबाजी गरेका थिए ।

सभामुखले संसद शुरू गरेलगत्तै आफ्नो स्थानबाट उठेर बोल्दै पूर्व कृषिमन्त्री तथा एमाले सांसद आरती पौडेलले पार्टीको केन्द्रीय कमिटीले कारवाही गरेका २ सांसदलाई सभामुखले कारवाही नगर्दासम्म सदन चल्न नदिने बताइन् ।

पौडेलले बोलेलगत्तै एमाले सांसदहरू आफ्नो स्थानबाट उठेर वेल घेर्न पुगेका थिए । बैठक केहीबेरका लागि स्थगित भएको छ ।