पछिल्लो २४ घन्टामा १५११ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार १५ हजार १७९ नमूना परीक्षणमध्ये एक हजार १६५ पीसीआर र ३४६ जनामा एन्टिजेन पोजिटिभ देखिएको हो । 

पछिल्लो २४ घण्टामा ११ जनाको मृत्यु भएसँगै कुल मृत्यु संख्या ११ हजार २ पुगेको छ । 

मन्त्रालयका अनुसार थप एक हजार ६८९ जना संक्रमणमुक्त भएका छन् । 

यससँगै हालसम्म कोरोना संक्रमणमुक्त हुनेहरूको संख्या ७ लाख ४५ हजार २१५ पुगेको छ । 

हाल मुलुकभर २५ हजार ७७२ सक्रिय संक्रमित छन् ।