आँधीका कारण जापानमा ४९ उडान रद्द भएका छन् । 

चान्थुमा आएको आँधीका कारण कम्तीमा पाँच जना घाइते भएको जनाइएको छ । उनीहरूको स्थानीय अस्पतालमा उपचार भइरहेको अधिकारीहरूले जनाएका छन् । 

जापानको दक्षिणपश्चिमी क्षेत्रका उडान रद्द भएको स्थानीय सञ्चारमाध्यमहरूले शनिवार समाचार सम्प्रेषण गरेका छन् ।

आँधीले नागासाकी, फुकुओका, सागा लगायतका क्षेत्रमा असर पारेको पनि सरकारी अधिकारीहरूले जानकारी दिएका छन् । 

आँधी प्रति सेकेण्ड ३० मिटरको गतिमा आएको थियो ।  जापानमा आँधी, भूकम्पलगायतका प्राकृतिक प्रकोपका कारण बर्सेनि धनजनको  ठूलो क्षति हुने गरेको छ।