मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
असोज ३, २०७८
नेकपा एमालेका अध्यक्ष केपी शर्मा ओलीले सरकारले घोषणा गरेको विभूषण र मानपदवीहरू लजाइरहेको टिप्पणी गरेका छन् ।
सरकाले छानीछानी आफ्ना मान्छेलाई विभूषण र मानपदवी बाँडेको ओलीले आरोप लगाए ।
एमालेले आज आयोजना गरेको संविधान दिवसको कार्यक्रमलाई सम्बोधन गर्दै ओलीले भने, ‘संविधान दिवसलाई जनताले आफ्नो संविधान दिवस ठान्नुपर्ने, जनताका पराक्रमी सन्तानले सम्मानित हुन पाउनुपर्ने । तर, अहिले बालाई सम्मान, श्रीमतीलाई सम्मान...।’
उनले अघि भने, ‘अघिल्लो पटकको पनि म सम्झन चाहन्छु । एउटाको छोरो सम्मान, अर्कोको छोरी समाजसेवी, अर्कोको छोरो महान समाजसेवी । कस्ता भोका जुकाहरु पुगेका छन् शासनमा ? लाज लाग्छ संविधान दिवसको दिन बोल्दा ।’
संविधान दिवसको दिन त संविधान ल्याएकोमा, लोकतन्त्र पाएकोमा शहीदका सन्तानले गर्व गर्न पाउनुपर्ने उनले बताए ।
‘शहीदका सन्तानले गर्व गर्न पाउनुपर्ने, आमाबुबाले गर्व गर्न पाउनुपर्ने, घाइतेहरूले सम्मानित हुन पाउनुपर्ने । आज बाउको मुख हेर्ने दिन हो ? श्रीमतीको मुख हेर्ने दिन हो ? छोराछोरीको मुख हेर्ने दिन हो ? कस्तो लालसा । कस्तो भोक । कस्तो आकांक्षा । कस्तो अतृप्ति,’ ओलीले भने ।
बाहिर निस्केर भाषण गर्ने हो भने केही चाहिएको छैन । म अरू जस्तो पदलोलुप होइन, म नातावादी कृपावादी छैन भन्ने तर व्यवहारमा अर्कै हुने गरेको ओलीले बताए ।
‘बाहिर गफ गर्न जति पनि सक्ने । तर, व्यवहारमा पाउँदा हेर्नुस् त अलंकार विभूषणको नाकमा कालो पोतेको । ती विभूषण र मानपदवीहरू लजाइरहेका छन् । बोल्न सक्ने भए उफ्रिन्थे ती । लज्जाजनक छ स्थिति छ,’ उनले भने ।
बेठीक समाचार दिनेहरूलाई, मिडिया र पत्रकारलाई ठूला–ठूला विभूषण दिइएको उनले आरोप लगाए ।
‘झगडिया सम्मानित, मुद्दा हाल्नेहरू सम्मानित । तथानाम बोल्नेहरू सम्मानित । सबैका लागि यो लज्जाजनक विषय हो । इतिहासले निर्मम मूल्यांकन गर्नेछ,’ ओलीले भने ।
उनले भने, ‘मानपदवी किन राष्ट्रपतिबाट बाँड्नुपर्यो ? जहाँ बनेको छ त्यहाँबाट घर घर लैजाउ न ।’
सरकारले सेटिङका लागि बजेट प्रतिस्थापन विधेयक ल्याएको र त्यसको मारमा परेका उद्यमी व्यवसायीहरूको कुदाकुद शुरू भएको ओलीले बताए ।
‘सरकार के–के मा लागेको छ ? उद्यमी व्यवसायीहरू सेटिङ भयो भनेर कराइरहेका छन् । प्रतिस्थापन विधेयक सेटिङको लागि ल्याइएको रहेछ भनेर व्यवसायीहरू कुदिरहेका छन्,’ उनले भने, ‘७० दिनमा सरकारले पूर्णता पाउँदैन । दुई महिनापछि बजेट होलिडे । कस्तो आश्चर्यको कुरा । बजेट विना सरकार चलिरहेको छ ।’
सरकारले आफ्ना मान्छे नियुक्त गर्नको लागि सुकुम्बासी आयोग विघटन गरेको उनले आरोप लगाए ।
‘पहिलो गरिब सुकुम्बासीहरूको आयोग भंग गर्यो । किन रहेछ भनेको त आफ्ना मान्छे नियुक्त गर्नका लागि रहेछ । चाहिने रहेछ त आयोग । किन भंग गरेको ? आफ्नो मान्छेलाई नियुक्त गर्नको लागि मात्रै रहेछ,’ ओलीले भने ।
सरकारको ध्यान विकास निर्माणमा नभएको भन्दै आफ्ना मान्छेलाई मानपदवी बाँड्न र नियुक्ति दिनमा केन्द्रित रहेको आरोप लगाए ।
‘गाउँतिर गरिबी भएको ठाउँमा आफ्ना छोराछोरीलाई मासु खुवाउन भान्से लाग्न जान्थे । यहाँ त आफ्नालाई बाँड्न मात्रै डाडू पन्यू समातेर बसेका छन्,’ ओलीले भने ।
सरकारले पाँच अर्ब रूपैयाँ पाँच लाख मान्छेलाई दशैँ खर्च दिने घोषणा गरेको ओलीले बताए ।
‘क्यासिनोलाई कर छुट दिएको छ । गरीबलाई कर कसेर लाउने, क्यासिनोलाई कर छुट दिएको छ । अनि ल्याउने चाहिँ समाजवाद । क्यासिनोलाई कर छुट दिने प्रेरणा कहाँबाट आयो ?,’ ओलीले प्रश्न गरे ।
उनले सम्बोधनमा भने, ‘लगानी गर्नलाई स्रोत देखाउन नपर्ने कसकसलाई भनेको हो ? यो गरीबी किसानलाई भनेको हो ? कालो धनलाई सेता बनाउन खोजिँदै छ भनेर अन्तर्राष्ट्रिय रुपमा नेपाल बदनाम भइरहेको छ ।’
सरकारले बजेट प्रतिस्थापन विधेयकमार्फत् निश्चित क्षेत्रमा लगानी गर्दा पाँच वर्षसम्म लगानीको स्रोत नखोज्ने प्रावधान ल्याएको छ ।
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...