छैटौँ दिनपनि एमालेद्वारा संसदमा नाराबाजी, अवरोधकाबीच बजेटका पूरक विधेयक पारित गर्ने तयारी

प्रमुख प्रतिपक्षी दल नेकपा एमालेले लगातार छैटौं दिनपनि प्रतिनिधि सभा बैठकमा नाराबाजी गरेको छ ।


Advertisement

बिहीवार पनि प्रतिनिधि सभाको बैठक शुरु हुनासाथ एमाले सांसदहरु वेलमा गएर नाराबाजी गरेका हुन् ।


Advertisement

एमालेको नाराबाजीका बावजुद सभामुख अग्नि सापकोटाले भने संसद्को कार्वाही अगाडि बढाएका छन् । 

माधव नेपाललगायत १४ सांसदलाई पदमुक्त गर्ने एमालेको निर्णय कार्यान्वयन नगरेर पार्टी विभाजनमा भूमिका खेलेको भन्दै सभामुख सापकोटाको भूमिकालाई लिएर एमालेले भदौ २३ गतेदेखि संसदमा नाराबाजी कायम गरिरहेको छ ।


Advertisement

विपक्षीको नाराबाजीका बाबजुत प्रतिनिधि सभाबाट बजेटका पूरक विधेयकको रुपमा रहेका आर्थिक विधेयक २०७८ र राष्ट्र ऋण उठाउने विधेयक पारित हुँदैछ । 

यसअघि असोज ४ गते बसेको प्रतिनिधि सभाबाट विनियोजन विधेयक पारित भएको थियो ।

राष्ट्रिय सभाबाट विनियोजन विधेयक बिहीवार पारित भएको थियो । 

राष्ट्रिय सभाबाट विनियोजन विधेयक पारित भएको सूचना प्रतिनिधि सभाका सचिव गोपालनाथ योगीले प्रतिनिधि सभालाई जानकारी गराएका छन् । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्