सोमवार बिहान त्रिभुवन अन्तर्राष्ट्रिय विमानस्थल काठमाडौंमा आकस्मिक अवतरण गरेका बुद्ध एयरका ४३ यात्रीहरू विराटनगर फर्किएका छन् । 

विराटनगर विमानस्थलमा अवतरण गर्ने समयमा प्राविधिक समस्या देखिएपछि बुद्ध एयरको जहाज काठमाडौं फर्किएको थियो । 

७३ यात्रीहरू बोकेको सो जहाज काठमाडौंमा सफल अवतरण गरेपश्चात् केही समयपछि ४३ यात्रीहरूलाई बुद्ध एयरले नै विराटनगर पुर्‍याएको बुद्ध एयरका निर्देशक रुपेश जोशीले लोकान्तरलाई जानकारी दिए । 

उनका अनुसार बाँकी ३० यात्रीहरू भने काठमाडौंमै रहेका छन् ।