×

X
Nic Asia
Dabur
Khukuri

विश्व पर्यटन दिवस विशेष

पोखराको सुषुप्त पर्यटन चलायमान, व्यवसायी आशावादी

पाेखरा | असोज ११, २०७८

NTC
Argakhanchi Cement
Premier Steels
TVS INSIDE

पर्यटन व्यवसायी नवराज अधिकारीले १ हप्तायता बिहानै पसल खोल्न थालेका छन् । विगतमा कोरोना महामारीले थलिएको पर्यटन क्षेत्र बिस्तारै चलायमान हुन थालेपछि उनी व्यापार हुने आशामा असोज १ गतेदेखि बिहान ७ बजे नै पसल आउने गरेका छन्, अन्य बेला उनी बिहान १० बजेपछि मात्र पसल आउँथे ।

LAxmi BAnk
nabil BANK inside

लेकसाइडस्थित एड्भेञ्चर ट्रेकिङ शप चल्तीको पसल हो । पसलमा डेढ करोड लगानी परेको छ । कोरोनाले अघिल्लो वर्षझैं उनले यस वर्ष वैशाखदेखि नै व्यापार गर्न सकेनन् । ४० लाख हाराहारीमा घाटा भएको उनको अनुमान छ ।


Advertisment
RMC TANSEN
cg elex island
NIC ISLAND BOX

पदयात्रा जाने पर्यटकहरू लक्षित गरी आवश्यक सामग्रीलगायत सामान लामो समयसम्म पसलमा त्यसै थन्किए । ‘५० हजार बढी मासिक घरभाडा बुझाउनुपर्ने त छँदैछ, त्यसमाथि व्यापार नहुँदा जीवन चलाउन समेत धौंधौं पर्‍यो,’ लोकान्तरसँगको कुराकानीमा अधिकारी सुनाउँछन्, ‘कोरोना संक्रमण दर घट्दै गएपछि प्रशासनले सबै प्रकारको निषेधाज्ञा असोजदेखि हटाएको छ । अब पर्यटक आउलान् कि विगतमा झैं व्यापार होला कि भन्ने आशा छ ।’

अब कहिले पनि यसरी पर्यटन व्यवसाय ठप्पै हुने गरी पसल बन्द गर्नु नपरोस् भनी दिनहुँ धूपबत्ती बालेर कामना गर्ने गरेको उनी सुनाउँछन् । 


Advertisment
Saurya island

पोखराकै हिमालय आर्ट एण्ड क्राफ्टका सञ्चालक बाबुराम खनालमा पनि धेरैथोरै उत्साह छ । उनले भने, ‘अब खुल्यो, त्यो राम्रो हो । होटल–रेस्टुरेन्टलाई सजिलो होला तर जबसम्म विदेशी पर्यटक आउँदैनन्, तबसम्म हामीलाई गाह्रै छ ।’

दाइभाइ मिलेर खोलिएको सो क्राफ्ट पसल ३५ वर्षदेखि निरन्तर सञ्चालित छ । पसलका लक्षित ग्राहक भनेकै विदेशी पर्यटक भएकोले आफूहरूको पसल पहिलेझैं चलायमान हुन केही समय लाग्ने खनालको आकलन छ । 

Vianet communication
IME BANK INNEWS

जिल्ला प्रशासन कार्यालय कास्कीले जिल्लामा झण्डै ५ महिनादेखिको निषेधाज्ञा असोज १ गतेदेखि लागू हुने गरी हटाएको छ । त्यति मात्र कहाँ होर र ? पोखराको रात्रिकालीन व्यवसाय समेत राति साढे १ बजेसम्म खोल्न अनुमति छ ।

मठमन्दिर लगायत धार्मिकस्थल समेत खुलेका छन् । कोरोनाको दोस्रो लहर शुरू भएसँगै प्रशासनले गत वैशाख १५ गतेदेखि कास्की जिल्लाभर निषेधाज्ञा शुरू गरेको थियो । पटक–पटक थप गर्दै घोषित निषेधाज्ञा भदौ मसान्तदेखि पूर्ण रूपमा हटाइएको कास्कीका प्रमुख जिल्ला अधिकारी (सीडीओ) थानेश्वर गौतमले बताए । 

कोरोना कहरले लामो समय बन्द रहेका पोखराका मठमन्दिर समेत खुलेपछि पोखरेली खुशी भएका छन् । पर्यटन र धार्मिक क्षेत्र एकअर्काका परिपूरक भएकोले पर्यटन क्षेत्रको माग धार्मिक स्थल समेत खुलाउनुपर्छ भन्ने थियो । फेवाताल बीचमा रहेको प्रमुख धार्मिक एवं पर्यटकीयस्थल वाराही मन्दिर पनि असोज लागेसँगै खुलेको छ । विन्ध्यवासिनी, केदारेश्वर मन्दिर, भद्रकाली लगायतका प्रमुख मठमन्दिर खुलेका छन् । माछापुच्छ्रेको छायाँ देखिने तालवाराही, उत्तरमा विभिन्न हिमशृखंला एकै नजरमा हेर्न सकिने विन्ध्यवासिनी कास्कीका प्रमुख धार्मिक एवं पर्यटकीय स्थल हुन् ।

विन्ध्यवासिनी धार्मिक क्षेत्र विकास समिति सचिव तीर्थ श्रेष्ठले दशैंतिहार लगायतका ठूला चाड मुखमा आएको बेलामा कोरोना प्रभाव कम हुँदै जानु र सरकारले मन्दिर खुलाउने निर्णय स्वागतयोग्य भएको बताउँछन् । उनले अबदेखि स्वास्थ्य मापदण्डप्रति सचेत बन्दै भक्तजनलाई पूजाआजाका लागि मन्दिर प्रवेश गराउन सकिने बताए । उनले आवश्यक सेनिटाइजर तथा भक्तजनका लागि हात धुन ४ धारा व्यवस्था गरिएको समेत जनाए । 

वाराही मन्दिर दर्शन गर्न नपाउँदा डुंगा व्यवसायमा समेत प्रत्यक्ष प्रभाव परेको थियो । मजदुरहरू कामविहीन भएका थिए । अहिले उनीहरूमा उत्साह छ ।

मणिराम परियार डुंगा चालक हुन् । उनी ६४ वर्षका भए । ४० वर्षदेखि डुंगा चलाउँदै आएका परियार अब कोरोना महामारी जस्ता विपत्ति नआओस् भनी कामना गर्दछन् । असोज लागेसँगै वाराही मन्दिर खुलेकोले पर्यटक आउँदा फाट्टफुट्ट भए पनि काम पाइने गरेको छ । उनले हाल फेवामा डुंगा चलाएर दैनिक ५०० रुपैयाँसम्म कमाइ गर्छन् । मन्दिर खुलेसँगै पर्यटकहरू मन्दिर दर्शनका लागि डुंगा प्रयोग गर्ने हुँदा आफूहरूको आयआर्जन अझै बढ्न सक्ने उनी बताउँछन् । डुंगा व्यवसायी समितिका अनुसार हिजोआज दैनिक ६०–८० वटासम्म डुंगा चल्ने गरेका छन् । असोजअघिसम्म ८–१० मात्र चल्थे । 

पोखराको धार्मिक पर्यटकीयस्थल सञ्चालनमा आउँदा आन्तरिक एवं बाह्य पर्यटन प्रवद्र्धनमा महत्त्वपूर्ण टेवा पुग्ने गर्दछ । पोखरा पर्यटन परिषद् अध्यक्ष गोपीबहादुर भट्टराईले पोखराका मठमन्दिर, रात्रिकालीन व्यवसाय तथा समग्र क्षेत्र खुलेसँगै पर्यटन व्यवसायीमा उत्साह छरेको बताए । उनले भने, ‘पर्यटकीयस्थल खुले पनि स्वास्थ्य मापदण्ड पालना गर्न भुल्नु हुँदैन । सबै जना मिलेर पोखरा अब घुम्न सकिन्छ भन्ने सकारात्मक सन्देश प्रवाह गर्नुपर्छ । त्यसो भए मात्र लामो समय थलिएको पर्यटन चलायमान हुन सम्भव होला ।’

पोखराका अधिकांश विद्यालय, क्याम्पस लगायत शिक्षण संस्थामा भौतिक उपस्थितिमै पढाइ हुन थालेको छ । 

आज २७ सेप्टेम्बर अर्थात् विश्व पर्यटन दिवस मनाइँदैछ । यस वर्ष ४२औं विश्व पर्यटन दिवसमा पोखराको पर्यटन खुलेको सन्देश विश्वभर छर्न सरकार आफैंले ध्यान दिनुपर्ने पर्यटन व्यवसायीको जोड छ । अवस्था सामान्य हुँदा विगतमा यो दिवसका अवसरमा विविध कार्यक्रम हुने गरेकोमा अहिले त्यति धेरै गर्न नसकिए पनि पोखरा सम्पूर्ण रूपमा खुलेको सन्देश प्रवाहमा ध्यान दिनुपर्ने बताइएको छ ।

नेपालमा सन् २०२१ अगस्तसम्म झण्डै ७० हजार पर्यटक नेपाल आएका पर्यटन बोर्डको तथ्यांकमा छ । त्यसअघि सन् २०२० मा २ लाख ३० हजार आएकोमा सन् २०१९ मा करीब १२ लाख विदेश पर्यटक नेपाल घुमेका थिए । नेपाल घुम्न आउने विदेशी पर्यटकमध्ये ४० प्रतिशतजसो पोखरा आउने गर्दछन् ।

कोरोनाअघि पोखरामा करीब ४ लाख स्वदेशी र ३ लाख विदेशी गरी ७ लाख पर्यटकले भ्रमण गरेको अनुमान छ । पोखरा पर्यटन परिषद्का अनुसार पोखराको पर्यटनमा ५ खर्ब जतिको लगानी छ । ठूलो लगानी रहेको पोखराको पर्यटन अब धेरथोर चलायमान हुने आशा गरिएको छ ।

Maruti inside
Mega
NLIC
TATA Below
ncc inside
मंसिर १६, २०७९

आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा एक विद्यालयले प्रयोगात्मकसँगै व्यावहारिक ज्ञान, सीप सिकाउने अभियान थालेको छ । कक्षा कोठाभित्र पढाइने सैद्धान्तिक ज्ञानले मा...

कात्तिक ११, २०७९

कैलालीको टीकापुर नगरपालिका–२ का वीरबहादुर चौधरी तिहारका दिन निकै हतारमा थिए । हतारमा घरबाट निस्केका उनले टीकापुर र बर्दिया जोड्ने कर्णाली नदीको सन्कट्टीमा १ घण्टा कुर्नुपर्‍यो । डुङ्गा (स्टिमर) क...

कात्तिक २६, २०७९

आगामी मंसिर ४ गते हुने प्रतिनिसभा र प्रदेशसभा सदस्य निर्वाचनमा उम्मेदवारले यसपटक पनि  मतदातासमक्ष मत माग्ने क्रममा कानून बनाउने मूल जिम्मेवारीभन्दा विकास निर्माणकै एजेण्डा प्रस्तुत गरेको पाइएको छ । प्रतिन...

मंसिर ४, २०७९

मंसिर ४ मा देशभर प्रतिनिधिसभा तथा प्रदेशसभा सदस्य चयनका लागि निर्वाचन भयो ।  यही निर्वाचनबाट चुनिएको संसद्ले सरकार गठन गर्छ । राष्ट्रपति र उपराष्ट्रपतिको चयन गर्छ । आफ्नो प्रतिनिधि चयन गर्ने यो चुनाव मत द...

कात्तिक १९, २०७९

विराटनगरलाई औद्योगिक शहरका रूपमा चिनिन्छ । औद्योगिक शहरमा पछिल्लो समय १ युवा अर्ग्यानिक खानामा जोड दिइरहेका छन् । २२ वर्षीय अबिशेक गौतमले घरका भान्सा अर्ग्यानिक बनाउने प्रयास शुरू गरेका छन् ।  तरकारी...

असोज ३०, २०७९

एकवर्ष अघिसम्म सविना तिमिल्सिना दाहाललाई आफन्तको हालखबर बुझ्न हातमा मोबाइल बोकेर नेटवर्कको खोजीमा अग्ला डाँडामा पुग्नुपर्थ्यो ।  काभ्रेपलाञ्चोक जिल्लाको बेथानचोक गाउँपालिका वडा नम्बर १ निवासी दाहालका गाउ...

संसदीय अग्निपरीक्षामा नयाँ अनुहार : सिंहदरबार पुगेर परीक्षण हुन दिऔं

संसदीय अग्निपरीक्षामा नयाँ अनुहार : सिंहदरबार पुगेर परीक्षण हुन दिऔं

मंसिर २१, २०७९

यसपटकको निर्वाचनले आश्चार्यचकित पार्ने गरी मतपरिणाम ल्याएको छ । पूर्व पञ्चहरूको पार्टी राप्रपालाई मत परिणामले राजनीतिक पुनर्जीवनको आश्रयका लागि हौसला प्रदान गरेको छ । जसका कारण जमिन, धर्म र पुरातन संस्कारको &lsq...

माननीय तोसिमाजी, अहिलेलाई यत्ति गर्नुस्, बाँकी पछि है !

माननीय तोसिमाजी, अहिलेलाई यत्ति गर्नुस्, बाँकी पछि है !

मंसिर २०, २०७९

तोसिमा कार्कीजी, नमस्कार ! सांसद हुनु भएकोमा सबैभन्दा पहिला तपाईंलाई बधाई र शुभकामना । तपाईंसँग मेरो प्रत्यक्ष भेटघाट र कुराकानी भएको छैन । खासमा चुनावअघि नै मेरो छिमेकका साथीहरूले तपाईंलाई टोलमा...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

ad
x