मौलिक जरोकिलो पार्टीको केन्द्रीय समितिको तेस्रो बैठक सोमवार सम्पन्न भएको छ । 

मौलिक जरोकिलो पार्टीको केन्द्रीय समितिको तेस्रो बैठकले दोस्रो महाधिवेशन गर्ने निर्णय गरेको छ ।

आगामी निर्वाचनमा पार्टीलाई राष्ट्रिय पहिचान सहितको शक्तिको रूपमा स्थापित गर्ने उद्देश्यसहित आगामी माघ २०, २१ र २२ गते दोस्रो महाधिवेशन काठमाडौंमा आयोजना गर्ने निर्णय गरिएको छ ।

हाल कायम रहेको ५६ सदस्यीय केन्द्रीय समितिलाई महाधिवेशन आयोजक समितिमा रूपान्तरण गरिएको छ ।

असोज ९ गतेदेखि ११ गतेसम्म काठमाडौंको जेपी प्रतिष्ठानमा भएको तेस्रो केन्द्रीय समितिको बैठकले देशको समसामयिक राजनीतिक परिस्थितिकोे समीक्षा गरेको पार्टीले जनाएको छ ।

पार्टीका केन्द्रीय अध्यक्ष सुशील गौतमले राष्ट्रियता, संघीयता, धर्मनिरपेक्षताका सम्बन्धमा पार्टीको आधिकारिक धारणा स्पष्ट पार्दै समसामयिक राजनीतिक विषय समेटेर प्रस्तुत गरेको राजनीतिक प्रतिवेदनलाई बृहत् छलफल गरी केन्द्रीय समितिले सर्वसम्मत रुपमा पारित गरेको छ ।

बैठकमा महासचिव लिलाबहादुर बानियाँले प्रस्तुत गरेको सांगठनिक प्रतिवेदन र कोषाध्यक्ष कृष्णराम प्रजापतिबाट प्रस्तुत भएको आर्थिक प्रतिवेदन सर्वसम्मतिले पारित भएको छ ।