एनआइसी एशिया बैंकले आगामी दशैंको अवसरमा अन्तर्राष्ट्रिय डिजिटल रेमिट्यान्स कम्पनी वल्र्डरेमिट मार्फत एनआइसीको बैंक खातामा रकम पठाउँदा ४ सय रुपैयाँ बोनस रकम उपलब्ध गराउने भएको छ ।

आश्विन ११ देखि कात्र्तिक १० सम्म लागू हुने यस योजनाबाट डिजिटल कारोबारमा सहयोग पुग्नुका साथै विदेशमा बसेर कमाएको रकम सहज रुपमा सिधै यस बैंकको खातामा जम्मा गर्न सकिने बैंकले जनाएको छ । 

४०० बोनस रकम योजना अवधिभर पहिलोपटक गरिएको कारोबारमा मात्र लागू हुनेछ । 

कोभिड–१९ को जोखिम कायम रहेकै बेला यस बैंकले वल्र्डरेमिटको वेबसाइट तथा एपमार्फत विदेशमा रहेका नेपाली नागरिकहरूले  आफ्ना परिवार तथा आफन्तजनलाई जुनसुकै बेला रकम पठाउन सक्नेछन् ।