क्रस होल्डिङमा राष्ट्र बैंकले लगायो प्रतिबन्ध

क्रस होल्डिङमा राष्ट्र बैंकले लगायो प्रतिबन्ध

नेपाल राष्ट्र बैकले बैंक तथा वित्तीय संस्थाहरूले एक आपसमा क्रस-होल्डिङ हुने गरी लगानी गर्न प्रतिबन्ध गरेको छ ।


Advertisement

केन्द्रीय बैंकले एकीकृत निर्देशन २०७७ संशोधन गर्दै क्रस होल्डिङमा प्रतिबन्ध लगाएको हो ।


Advertisement

पुरानो व्यवस्थाअनुसार क्रस-होल्डिङ गरी लगानी गरिरहेको संस्थापक शेयर बिक्री सम्बन्धमा बैंक तथा वित्तीय संस्थाहरूले आपसमा क्रस-होल्डिङ हुने गरी लगानी गरेको संस्थापक समूहको शेयर धितोपत्र विनिमय बजारमार्फत खरिद/बिक्री गर्नसक्ने व्यवस्था गरेको थियो । यसका लागि सर्तहरू पनि निर्धारण गरिएको थियो ।

बैंक तथा वित्तीय संस्थामा लगानीमा रहिरहेको संस्थापक समूहको शेयर नेपाल धितोपत्र विनिमय बजार मार्फत कारोबार गर्न सक्ने गरी छुट प्रदान गरिएको हुनुपर्ने उल्लेख थियो ।


Advertisement

 त्यस्तै संस्थापक शेयर नामसारी वा बिक्री गर्दा संस्थापक सेयरधनीहरूको रुपमा रहिरहेका अन्य सदस्यहरुलाई प्राथमिकता दिनुपर्ने एकीकृत निर्देशन नं. १० को व्यवस्था यस प्रयोजनको लागि लागू नहुने पनि भनिएको थियो ।

धितोपत्र विनिमय बजार मार्फत शेयर खरिद गर्ने व्यक्ति/संस्था समेत संस्थापक समूहमा नै कायम रहने उल्लेख थियो ।

 संस्थापक समूहको शेयर खरिदकर्ता कर्जा सूचना केन्द्र लि. को कालोसूचीमा समावेश नभएको हुनुपर्ने र प्रचलित कानुन तथा यस बैंकबाट जारी गरिएका निर्देशन बमोजिम संस्थापक सेयर/संस्थापक समूहको शेयर खरिद गर्न अयोग्य नभएको स्वःघोषणा शेयर खरिद गर्दाको अवस्थामा नै पेस गर्नु पर्ने सर्त थियो।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्