साफ फूटबल प्रतियोगिताको फाइनल प्रतिस्पर्धामा पुगेको नेपाली टोलीलाई प्रधानमन्त्री शेरबहादुर देउवाले प्रोत्साहन दिएका छन् ।

सामाजिक सञ्जाल ट्विटरमा लेख्दै प्रधानमन्त्री देउवाले नेपाली टोलीलाई बधाई तथा शुभकामना समेत दिएका छन् ।

देउवाले लेखेका छन्, ‘साफ फूटबल प्रतियोगिताको फाइनल प्रतिस्पर्धामा पुगेको नेपाली फूटबल टोलीका सम्पूर्ण खेलाडी, प्रशिक्षक तथा अफिसियलहरूलाई बधाई तथा आगामी खेलको लागि शुभेच्छासहित प्रोत्साहन दिन चाहन्छु ।’

बुधवार भएको खेलमा बंगलादेशसँग बराबरी खेल्दै नेपाल फाइनलमा प्रवेश गरेको हो । नेपाल र बंगलादेशबीचको खेल १–१ गोलको बराबरीमा सकिएको छ ।

खेलको ८८औं मिनेटमा नेपालका लागि अञ्जन विष्टले पेनाल्टीमार्फत १ गोल गरेका हुन् । यसअघि खेलको ९औं मिनेटमा बंगलादेशका लागि सुमन रेजाले गोल गरेका थिए ।

हार्दिक बधाई तथा शुभकामना !

साफ फुटवल प्रतियोगिताको फाइनल प्रतिस्पर्धामा पुगेको नेपाली फुटवल टोलीका सम्पुर्ण खेलाडी, प्रशिक्षक तथा अफिसियलहरुलाई बधाई तथा आगामी खेलको लागि सुभेच्छा सहित प्रोत्साहन दिन चाहान्छु ।

— Sher Bahadur Deuba (@SherBDeuba) October 13, 2021