नवदुर्गाको पूजा सेलाउन नाचगानसहित थारु समुदायको कलश यात्रा

नवदुर्गाको पूजा सेलाउन नाचगानसहित थारु समुदायको कलश यात्रा

दशैंको टीकाको दिन शुक्रवार मानिसहरू नाचगान गर्दै सडकमा हिँडिरहेका देखिए । तराईमा मध्याह्नको चर्काे गर्मीको समेत कुनै पर्वाह नगरी नाचगान भइरहेको छ ।


Advertisement

माइकको चर्काे आवाजमा दुर्गामाताको भजनकीर्तन बजिरहेको छ । गाडीमा दुर्गामाताको मूर्ति सजिएका छन् ।


Advertisement

रङ्गीबिरङ्गी पोशाकमा सजिएका केही कन्याहरूले टाउकोमा कलश अड्याएका छन् । उनीहरू संगीतको तालमा कम्मर मर्काउँछन् तर भीडका बाँकी सदस्यको उन्मुक्त नाचगान रमाइलोले स्थानीयको ध्यान खिचेको छ ।

भर्खरै दशैंको साइतको टीका लगाएकाहरू सो दृश्य हेर्न कौसी र सडक पेटीमा निस्केका थिए र दुर्गा माताको मूर्तिको फूलअक्षता ग्रहण गरिरहेका थिए ।


Advertisement

रूपन्देही जिल्लाको ओमसतिया गाउँपालिका–१ का थारू समुदायले परम्परागत रूपमा यहीँ संस्कृति मान्दै आएका छन् । 

थारू समुदायका अगुवा विश्वनाथ मल्लाह भन्छन्, नवदुर्गाभरि ९ दिनसम्म व्रत बसी पूजाआजा गरेकोमा आज दशमीको दिन सेलाउन लागिएको हो । बुवाबाजेको पालादेखि नै यो चलन चल्दै आएकोमा हामीहरूले निरन्तरता दिएका हौं ।’

विश्वनाथले पहिले गाउँ छँदा पनि एक्लै यो पर्व आयोजना गर्थे । पछि शहर पसेर सबै थारू समुदायसँग ओमसतियामै सामूहिक रूपमा गर्दै आएको बताए । 

स्थानीय भगवान् दास मल्लाह पनि घरमा चाबी ठोकेर परिवारसहित नाचगान गर्दै दुर्गामाताको र्‍यालीमा हिँडेका छन् । उनका अनुसार ९ दिनसम्म फलफूल मात्र खाने र दशमीमा नदी किनारमा सेलाएपछि मात्र टीकाटालो गरी अन्न खाने चलन रहेको बताए ।

यस अवधिमा मानिसहरू नजिकको मन्दिर वा घरघरमै पनि बिहान–साँझ गरी दैनिक २ पटक पूजा गर्ने गर्छन् ।

यसो गर्दा नवदुर्गाले शक्ति प्रदान गर्नुका साथै मनले चिताएको पूरा गराउन मद्दत गर्ने धार्मिक विश्वास छ । 

र्‍याली ओमसतियाको कटैयादेखि शुरू भई ठूटेपिपल, अमुवा, पौवा हुँदै चिलियास्थित तिनाउ नदी किनारमा पुगेर नवदुर्गाको पूजा सेलाउने गरिएको छ ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्