गुल्मीमा बाढीले बगायो यात्रुबाहक जीप

गुल्मीमा बाढीले बगायो यात्रुबाहक जीप

गुल्मीमा लेतेखोलामा सोमवार दिउँसो आएको बाढीले यात्रुबाहक जीप बगाएको छ ।


Advertisement

जिल्ला प्रहरी कार्यालय गुल्मीका प्रहरी प्रमुख गोपालचन्द्र भट्टराईका अनुसार अविरल वर्षासँगै आएको बाढीले गुल्मीको सत्यवती गाउँपलिका खैरेनी रुद्रबेणी सडकखण्डको उल्लीखोला नजिकैको लेतेखोलाले खोलाले जीप बगाएको हो । 


Advertisement

बुटवलबाट गुल्मीको भुवाचिदीका लागि छुटेको लु१ज ३४३२ नम्बर बोलेरो जीप बाढी बगाए पनि मानवीय क्षति भने हुन पाएन । जीपमा चालकसहित ९ जना यात्रु सवार रहेको बताइएको छ ।  

‘जीप खोला नजिक दलदलमा फसेको तथा यात्रु र चालक गाडीबाट उद्धार गरिसकेपछि माथिबाट आएको लेदो सहितको पानीले जीप बगाएको हो,’ भट्टराईले लोकान्तरसँग भने ।


Advertisement

जीपमा सवार सबै यात्रु सुरक्षित रहे पनि सबै सामानहरू गाडीसँगै बगेका छन् । आइतवारदेखि जारी वर्षाका कारण नदी र खोलामा पानीको बहाव बढेको छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्