आफूलाई अब्बल देखाउन मान्छेहरू प्रतिस्पर्धामा सहभागी हुन्छन् तर कतिपय अवस्थामा यस्तो चाहना प्राणघातक समेत हुनसक्छ ।

अमेरिकाकी २० वर्षीया युवती मेडलिन निकपोन ‘हट डग’ खाने प्रतिस्पर्धामा सहभागी भइन् । तर खाने बेला ‘हट डग’ घाँटीमै अड्किएर उनको श्वास रोकियो र मृत्यु भयो ।

जर्नल न्युजमा प्रकाशित रिपोर्टअनुसार आफू पढ्ने विश्वविद्यालयले आयोजना गरेको प्रतिस्पर्धामा उनी सहभागी भएकी थिइन् । घाँटीमा खाना अड्किएपछि उनलाई अस्पताल लगियो तर चिकित्सकको अनेक प्रयासबाट पनि बचाउन सकिएन ।