बलिउड अभिनेता गोविन्दाले करवाचौथको अवसरमा आफ्नी श्रीमती सुनीता आहूजालाई गिफ्ट दिएका छन् । गिफ्ट हो बीएमडब्ल्यू कार । 

गोविन्दाले करवाचौथ मनाएका तस्वीरहरू सामाजिक सञ्जालमा शेयर गरेका छन् । एउटा तस्वीरमा गोविन्दाले सुनीतालाई कारको साँचो दिएको देखिन्छ । 

उनले इन्स्टाग्राममा लेखेका छन्, ‘मेरो बेस्ट फ्रेन्ड, मेरो जीवनको प्रेम र दुई प्यारा बच्चाहरूको सुन्दर आमालाई ह्याप्पी करवाचौथ । आईलभयू, तिम्रो लागि मेरो प्रेम तौलन सकिँदैन । तर, आजका लागि यो सानो गिफ्टले तौलनु । तिमी यो दुनियाँको सबै खुशीको हकदार हौ, लब यु माई सोना ।’ 

४ वर्षसम्म गोप्य राखिएको थियो विवाह

गोविन्दा र सुनीताको विवाह सन् १९८७ डिसेम्बर ११ मा विवाह गरेका थिए । त्यो बेला कलाकारको करिअर स्थिर थिएन । त्यसैले दुई जनाले नै विवाह त गरे तर, कसैलाई थाहा भने दिएनन् । 

पछि गोविन्दाले आफ्नो विवाहको कुरा बताउँदा, सबै आश्चर्यमा परेका थिए । 

उनीहरूको दुई सन्तान नर्मदा र यसवर्द्धन हुन् ।