नेकपा एमालेको सिद्धार्थनगर नगरपालिकाको भैरहवामा सम्पन्न प्रथम अधिवेशनमा चक्रबहादुर थापा विजयी भएका छन् । उनले थानेश्वर पौडेललाई १३४ मतान्तरले पराजित गरेका हुन् ।
 जम्मा २ सय ३६ मतदाता रहेको सिद्धार्थनगर नगरपालिकामा २ सय २३ मत खसेको थियो । जसमध्ये थापाले १६१ मत प्राप्त गर्दा पौडेलले ५७ मत मात्र प्राप्त गर्न सके ।

यस्तै उपाध्यक्षमा अर्जुनकुमार गिरी विजयी भएका छन् । उनले १८७ मत प्राप्त गर्दा उनका प्रतिद्वन्द्वी लक्ष्मी केसीले ३४ मत मात्र  प्राप्त गरिन् । सचिवमा  नारायण प्रसाद भण्डारी र मनोज कुमार रिजालको उम्मेदवारी परेको थियो । सचिवमा  भण्डारीले  रिजाललाई १५४ मतले पराजित गरे । उपसचिव मा माया कंडेल र कुमार गुरुङ निर्विरोध चयन भएका छन् ।