अन्तरिक्षमा  आफ्नै   भू–उपग्रह   (स्याटेलाइट)   प्रक्षेपण   गर्ने सरकारको नीतिअनुसार परामर्श सेवा दिन आठवटा  अन्तर्राष्ट्रिय  कम्पनीले  प्राविधिक  र  आर्थिक प्रस्ताव पेस गरेका छन् । नेपाल दूूरसञ्चार प्राधिकरणका अध्यक्ष पुरुषोत्तम खनालले प्राधिकरणको आह्वानमा ती कम्पनीले प्रस्ताव पेस गरेको बताए ।

उनले अन्तरिक्षमा नेपालको आफ्नै भू–उपग्रह (स्याटेलाइट) प्रक्षेपण गर्नका लागि त्यसको नियमन,  कानुनी  संरचना,  व्यावसायिक  ढाँचा  र  बिड  डकुमेन्ट  तयार  गर्न  पाँच  कम्पनीसँग प्रस्ताव माग गरिएकोमा आठवटा अन्तर्राष्ट्रिय  कम्पनीले  प्रस्ताव  पेस  गरेको  जानकारी दिए । प्राविधिक  र  आर्थिक  मूल्याङ्कनको  प्राप्ताङ्क  क्रमशः  ८०  र  २०  हुन्छ  ।  दुईवटै  मूल्याङ्कनमा उत्कृष्ट अङ्क प्राप्त गर्ने एउटा कम्पनी छनोट भई सो कम्पनीसँग कार्य सम्झौता गरी प्रक्षेपणसम्बन्धी काम सुरु हुनेछ । प्राधिकारणले असोज ३१ सम्म आशयपत्र बुझाउन प्राधिकरणले समयसीमा तोकेकोमा सो अवधिमा दशैँ बिदा परेकाले पाँच दिन समय थप  गरेको  थियो  ।  सोही  अवधिमा  ती  आठ  कम्पनीले प्रस्ताव पेस गरेको खबर गोरखापत्रमा छापिएको छ ।